Biełarusa, jakoha sudzili za reabilitacyju nacyzmu, vyzvalili ŭ zale suda
U Minskim haradskim sudzie razhladali spravu 21‑hadovaha minčuka, jakoha abvinavacili ŭ reabilitacyi nacyzmu (č. 1 art. 130‑1 KK) praz kamientary ŭ sacsietkach, paviedamlaje pres-słužba Hienieralnaj prakuratury.
Pavodle prakuratury, biełarus raźmiaściŭ bolš za 40 paviedamleńniaŭ u sacsietcy «VKontaktie», dzie apraŭdvaŭ nacysckija złačynstvy i asprečvaŭ masavaje źniščeńnie mirnych žycharoŭ vioski Chatyń vojskami SS pad kiraŭnictvam Oskara Dyrlevanhiera 22 sakavika 1943 hoda. Akramia taho, jon nibyta dadavaŭ da paviedamleńniaŭ fatahrafii Hitlera, Himlera i nacysckuju simvoliku.
U sudzie minčanin pryznaŭ svaju vinu całkam i vykazaŭ škadavańnie. Jamu prysudzili adzin hod i piać miesiacaŭ kałonii ahulnaha režymu. Adnak u termin užo ŭličyli čas, jaki jon pravioŭ pad vartaj padčas śledstva i suda, tamu jaho vyzvalili adrazu paśla vyniasieńnia prysudu.
Čamu amierykancy tak irvucca na Miesiac, što tam buduć zdabyvać? I što da taho biełarusam? Tłumačyć biełaruski astrafizik8
Kamientary