12 lutaha ŭ Ščomyślicy pad Minskam adbyłosia častkovaje zrušvańnie kanstrukcyi dachu ŭ pamiaškańni, jakoje aranduje kampanija Wildberries dla svajho sartavalnaha centra. Pavodle infarmacyi kampanii, dakładnyja pryčyny zdareńnia pavinny vyznačyć śpiecyjalisty MNS paśla pravierki, piša «Minskaja praŭda».
Usich supracoŭnikaŭ i padradčykaŭ, što znachodzilisia ŭ budynku, apieratyŭna evakujavali. Paciarpiełych niama. Da zaviaršeńnia pravierak i likvidacyi mahčymych ryzyk dostup u pamiaškańnie časova abmiežavany.
U kampanii adznačyli, što situacyja nosić łakalny i časovy charaktar. Tavarnyja patoki pieranakiravanyja na inšyja abjekty ŭ minskim rehijonie.
Naprykancy minułaha hoda pobač sa stalicaj pačali pracavać jašče dva sartavalnyja centry — u Chaciežynie i Pryvolnym. Ich ahulnaja mahutnaść dasiahaje da 300 tysiač tavaraŭ na sutki.
Partnioram pry nieabchodnaści rajać adhružać pradukcyju ŭ sartavalnyja centry ŭ Breście, Homieli, Hrodnie i Oršy.
Dla pradaŭcoŭ, jakija pracujuć pa madeli «Markietpłejs», pašyranaja sietka punktaŭ vydačy zakazaŭ. Jany mohuć naŭprost dastaŭlać tavary ŭ hetyja punkty, abychodziačy składy i sartavalnyja centry.
Usie pradaŭcy ŭžo atrymali paviedamleńni ŭ asabistych kabinietach pra časovaje źmianieńnie łahistyčnaj schiemy. Pavodle kampanii, na hety momant zakazy prymajucca i dastaŭlajucca biez zatrymak.
Wildberries i Ozon złavili na prodažy italjanskaj makarony
Niekatoryja ipešniki z novaha hoda nie zmohuć handlavać praz markietpłejsy
Na Wildberries možna budzie płacić kryptavalutaj
«Čakaju tavar užo 13 dzion». Što pišuć klijenty ab prablemach Wildberries
Na składzie Wildberries pad Minskam źbirajucca šmathadzinnyja čerhi
62‑hadovaja biznesvumen i miljanierka Iryna Ciareščanka padzialiłasia historyjaj svajho kachańnia z mužčynam, na 20 hadoŭ małodšym za jaje6
Kamientary