Andrej Pavuk: Dzieci prosta pieraškadžajuć žyć, ja adpačyvaju ad taho, što ich niama. Biednaja Vola, maja byłaja žonka
U toj ža čas viadomy błohier pryznaŭsia: kab kachanaja žančyna nie pakinuła jaho, jon chacieŭ, kab jana zaciažaryła.
U novym padkaście «Nieparočnaja seksualizacyja z Volaj Novik» błohier Andrej Pavuk padzialiŭsia svaimi pohladami na stasunki, siamju i aborty.
Zakranuŭšy temu abortaŭ, Pavuk zaŭvažyŭ:
«Kali ni baćki, ni škoła nie navučyli dzicia zaścierahacca i vieryć u toje, što jość takaja niebiaśpieka, jak naradzić novaha hramadzianina i padatkapłacielščyka, to jość funkcyja pieraryvańnia ciažarnaści».
Sa słoŭ błohiera, raniej jon «vielmi pužaŭsia, jak heta embryjon možna vydalić, heta jak by škada». Ale ciapier jaho pohlad źmianiŭsia.
«Zaraz ja, pažyŭšy ŭ śviecie materyjalnych dabrot i spakus, dumaju, što dzieci prosta pieraškadžajuć žyć, nasałodžvacca žyćciom. I dzieci nie patrebny».
«Ja havaru strašnyja rečy, — praciahnuŭ błohier i adznačyŭ: — Ale ja tak dobra zaraz adpačyvaju ad dziaciej, [ad taho], što ich niama [sa mnoj]. Biednaja Vola, maja žonka pieršaja. Jana pakutuje ad usiaho hetaha. Jana jašče bolš pakutavała, što ja — jak jana kazała, — «tolki škodu [prynosiš]…». A tak jany sami sabie… I vielmi dobra tam. Ščaście, što dzieci ŭžo darosłyja».
Paźniej Pavuk udakładniŭ, što jaho dzieciam 12 i 14 hadoŭ.
Jak chacieŭ zachavać stasunki
Padčas razmovy Volha Novik zaŭvažyła, što žančyny vielmi časta zaciažarajuć nie tady, kali jany chočuć. Ź jejnych słoŭ, takoje zdarajecca ŭ tym liku, kali chłopcy naŭmysna apładniajuć svaich partniorak, kab jany ad ich nie syšli.
Andrej Pavuk pahadziŭsia z hetym i pryvioŭ prykład z ułasnaha žyćcia.
«U mianie taksama byŭ taki zalot. Ja taksama zachacieŭ panienku nie adpuskać ad siabie. Ale heta nie spracavała».
«I što ty rabiŭ? Prakołvaŭ preziervatyŭ?»
«Nie. Ničoha. Prosta ejakulavaŭ tudy, kudy nie treba było ejakulavać. U vahinu. Ale heta nie spracavała».
Adnak, jak zaŭvažaje Pavuk, navat kali b jaho partniorka zaciažarała, to byŭ by abort pa jaje inicyjatyvie.
«Dyk ty chacieŭ ad jaje dziaciej?» — udakładniła Novik.
«Ja ŭžo chacieŭ prosta, kab jana nikudy nie dziełasia. Voś takaja niejkaja fihnia. Była takaja zaležnaść».
Andrej Pavuk raskazaŭ, dzie pracuje paśla zvalnieńnia z tralejbusnaha parka
Byłaja vice-śpikierka Kaardynacyjnaj rady Volha Pavuk stała nastaŭnicaj u litoŭskaj škole
«Mnie patrebna apazicyjnaja kvatera dla sustreč z revalucyjanierami». Andreju Pavuku niečakana stali pisać ryełtary — jon trolić u adkaz
«Ty ŭ nas u Biełarusi!» — «Ja mamu tvaju ja*aŭ». Hościu z Ałtaja nie spadabałasia zaŭvaha za kinuty ŭ centry Minska niedakurak6
Kamientary