«Vialikaja małajčyna, my vielmi zadavolenyja». Domračava pra vystup dački na «Śniežnym snajpiery»
Darja Domračava prakamientavała vystup dački Ksienii ŭ spryncie na finalnym etapie respublikanskich spabornictvaŭ pa bijatłonie «Śniežny snajpier», piša BiełTA.
Dačka šmatrazovych alimpijskich čempijonaŭ Darji Domračavaj i Ule-Ejnara Bjorndalena Ksienija Bjorndalen vystupaje ŭ «Raŭbičach» u małodšaj uzrostavaj katehoryi (2015‑2016 hady naradžeńnia).
U spryntarskaj honcy na 1,8 km junaja spartsmienka prajšła abodva ahniavyja rubiažy biez promachaŭ i zaniała piataje miesca. Da miedala nie chapiła troch z pałovaj siekund.
«Kali Ksienija biehła pa trasie, ja vielmi chvalavałasia. Paśla finišu skazała joj, što jana vialikaja małajčyna. Usio supier, my vielmi zadavolenyja. Ciapier hałoŭnaje nie vynik, a atmaśfiera i nastroj. U cełym u nas vydatnyja ŭražańni, vydatnaja arhanizacyja, — skazała Darja Domračava.
— Pierad startam bačyła, što mnohija pieražyvali. Poŭnyja trybuny — heta dobraja padtrymka dla dziaciej, ale i dadatkovaja nahruzka. Dumaju, siońnia ŭsie atrymali karysny dośvied i pryjemnyja emocyi. Spadziajusia, što chłopcy i dziaŭčaty, jakija nie akazalisia na pjedestale, z zadavalnieńniem buduć praciahvać treniroŭki».
Ajcišnika z «Varhiejminha» sudzili pa rasstrelnym artykule. Padobna, za padtrymku Ukrainy — praŭda, zrabić jon ničoha nie paśpieŭ3
Kamientary