U kosmas zapuścili ŭnikalny kaśmičny teleskop, jaki kaštavaŭ 10 miljardaŭ dalaraŭ
Rakieta Ariane V u subotu paśpiachova startavała z samym bujnym i mahutnym u śviecie kaśmičnym teleskopam James Webb Space Telescope.
«Džejms Ueb» — unikalny pa svaich maštabach prajekt, na jaki vydatkavali astranamičnyja 10 młrd dalaraŭ. JWTS raspracavany dla daśledavańnia tajamnic Suśvietu. Niekalki razoŭ start zapusku teleskopa adkładvaŭsia, a biudžet prajekta istotna ŭzrastaŭ z-za biesprecedentnaj składanaści prajekta.
Zapusk adbyŭsia sa startavaha kompleksu na kasmadromie Kuru ŭ Francuzskaj Hvijanie (zamorski departamient Francyi ŭ Paŭdniovaj Amierycy).
Teleskop James Webb raspracavała NASA sumiesna ź Jeŭrapiejskim kaśmičnym ahienctvam (ESA) i kanadskim kaśmičnym ahienctvam (CSA).
JWTS źjaŭlajecca arbitalnaj infračyrvonaj absiervatoryjaj, zaklikanaj zamianić lehiendarny teleskop Hubble, jaki z 1990 hoda maralna sastareŭ.
Novy teleskop u sto razoŭ mahutniejšy za Hubble i moža «bačyć» na adlehłaści bolš za 13 młrd śvietłavych hadoŭ. Jon zdolny zafiksavać vyhlad dalokich hałaktyk, robić heta z dapamohaj ciepłavych chval, a nie bačnaha śpiektru śvietłavych pramianioŭ. Da ziamli śviatło vielmi addalenych abjektaŭ prosta nie dachodzić, pakolki raśsiejvajecca siarod kaśmičnaha pyłu.
Paśla zapusku teleskopa spatrebicca da dvuch tydniaŭ, kab raskryć soniečnyja batarei, antenu dla suviazi ź ziamloj, soncaachoŭny ekran, asnoŭnaje lusterka i inšyja składniki.
Pryblizna praź miesiac teleskop pavinien vyjści na tak zvany punkt Łahranža na adlehłaści bolš za miljon kiłamietraŭ ad Ziamli, znachodžańnie ŭ jakim zabiaśpiečyć aparatu ŭstojlivy ruch sinchronna ź Ziamloj.
Jašče dva miesiacy spatrebiacca dla poŭnaj naładki teleskopa i padrychtoŭki da pracy.
-
Rasijskaja ahientura vykarystała niejrasietku Claude dla kradziažu i dla ŭpłyvu na vybary
-
Navukoŭcy znajšli šeść zahadkavych struktur hłyboka ŭ nietrach Ziamli
-
«Čas, jaki patrabuje nadzvyčajnaj aściarožnaści». Polski vunderkind, jaki staŭ hałoŭnym navukoŭcam OpenAI, patłumačyŭ, čamu mienavita zaraz ŠI moža vyrvacca z-pad kantrolu
Ciapier čytajuć
Stała viadomaje imia druhoj biełaruski, jakaja zhinuła pad sielem u Niepale. Heta 24‑hadovaja Iryna z žurfaka BDU5
Stała viadomaje imia druhoj biełaruski, jakaja zhinuła pad sielem u Niepale. Heta 24‑hadovaja Iryna z žurfaka BDU
Elektronnuju «Biełaruskuju encykłapiedyju», stvoranuju jak prastoru «vierahodnych viedaŭ pra Biełaruś», cicha likvidavali razam z redakcyjaj. Kupu artykułaŭ pieradali Hihinu66
Kamientary