Z 1 studzienia 2022 hoda dakumienty ES pavinny buduć pierakładacca i na irłandskuju movu.
Irłandcy dałučyłasia da struktur ciapierašniaha Jeŭrasajuza jašče ŭ 1973 hodzie, ale tolki z 1 studzienia 2022 hoda ich nacyjanalnaja mova atrymlivaje paŭnavartasny status pracoŭnaj movy, paviedamlaje ahienctva DPA.
Usie dakumienty Jeŭrasajuza ciapier pavinny buduć pierakładacca taksama i na irłandskuju.
U Irłandyi ŭ hetym bačać mahutny stymuł dla adradžeńnia i raźvićcia irłandskaj movy.
Nadańnie irłandskaj takoha statusu zapatrabavała šmathadovaj arhanizacyjnaj padrychtoŭki.
Za piać hadoŭ kolkaść supracoŭnikaŭ va ŭstanovach ES, jakija vałodajuć irłandskaj, vyrasła z 58 da 170, a ŭ 2022 hodzie pavinna dasiahnuć 200.
Vydatki na piśmovy i vusny pierakład apłačvajucca ź biudžetu ES, na što Irłandyja taksama robić unioski.
Zabieśpiačeńnie mahčymaści dla pradstaŭnikoŭ krain-členaŭ Jeŭrasajuza vykarystoŭvać rodnuju movu jak pracoŭnuju kaštuje ŭ hod amal 350 młn jeŭra, što składaje kala 0,2% ad ahulnaha biudžetu. Pierakład na 24 aficyjnyja movy ES zabiaśpiečvajuć kala 2000 pierakładčykaŭ.
Irłandskaja — adna z kielckich moŭ, jana ličycca pieršaj aficyjnaj movaj Irłandyi. Pavodle acenak, ahulnaja kolkaść jaje nośbitaŭ — kala 1,6 młn čałaviek, adnak tolki 70 tysiač vykarystoŭvajuć irłandskuju ŭ štodzionnym žyćci.
Rajony Irłandyi z kampaktnym pražyvańniem nośbitaŭ irłandskaj, jakija znachodziacca pieravažna ŭ zachodniaj častcy, krainy, atrymali nazvu Hiełtacht.
Čytajcie taksama:
Biełaruska ŭ Irłandyi: Irłandskaja mova žyvie jak azdableńnie, relikvija, a nie srodak znosin
Što Biełarusi varta ŭziać z moŭnaj palityki Irłandyi
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary