U liście da syna palitźniavolenaja Volha Majorava napisała, što jaje ciapier abvinavačvajuć pa 3 častcy artykuła 289 Kryminalnaha kodeksa (teraryzm). Raniej jaje abvinavačvali pa 2 častcy, jakaja praduhledžvała bolš miakkaje pakarańnie.
List synu Majorava napisała 25 śniežnia i ŭ im adznačyła:
«Nakont prysudu ja mocna nie pierajmajusia. Z maim ciskam nie pryncypova — 3 hady ci 20. Ale pry isnujučaj tradycyi davać minimum pry nievinavataści, kaniečnie, miarkuju 8 hadoŭ (hł. art. 289, č.3 KK RB, ad 8 da 25 hadoŭ). Dalej rabić prahnozy sensu niama. Chacia jość šmat dziŭnych rečaŭ. Tamu budziem čakać, što pakaža žyćcio».
Hramadskuju aktyvistku zatrymali 4 studzienia 2021 hoda ŭ svaim domie ŭ vioscy Nača Krupskaha rajona pa «spravie Mikałaja Aŭtuchoviča». U domie byŭ praviedzieny pieratrus, u vyniku jakoha supracoŭniki KDB zabrali z doma techniku.
Kamientary