U Varšavie prezientujuć pieravydańnie pieršaj knihi Jevy Viežnaviec
Vydaviectva Gutenberg Publisher praciahvaje papaŭniać sieryju «Akno ŭ prozu», šostaj knihaj u jakoj stała pieravydańnie debiutnaha zbornika Jevy Viežnaviec «Šlach drobnaj svołačy» (2008). A 16 studzienia ŭ Varšavie projdzie tvorčaja sustreča z aŭtarkaj, jakaja zmahajecca ź ciažkoj chvarobaj, z nahody vychadu pieravydańnia, piša bellit.info.
Pieršaja kniha Jevy Viežnaviec «Šlach drobnaj svołačy» (składajecca z apaviadańniaŭ i apovieści) da siońnia, na žal, znachodziłasia ŭ litaraturnym limbie ličbavaj epochi: byccam by isnuje, ale raskidanaja pa pryvatnych kalekcyjach, byccam by śmiełaja i rezanansnaja, ale abydzienaja recenzijami, byccam by adna z najvažniejšych knižak pra toje, dzie, za što i z kim pobač biełaruski vymušanyja žyć, ale ŭ cieniu «Pa što idzieš voŭča?».
A miž tym, Viežnaviec łomić naš kantekst na dva. Na žančyn i na mužčyn. Na krainu, jakoj apantanaja, i na Bydłaruś, jakaja zabivaje. Na ludziej idei i na ludziej, pa vulicach imia jakich my chodzim i budziem chadzić. Siabie i nas usich aŭtarka bačyć u hetym razłomie, ź jakoha my karaskajemsia nasustrač soncu. Čaho chočaš? Nie być drobnaj svołačču! Ale pakul my tolki karaskajemsia, błytajem ślady i hublajemsia ŭ aryjencirach. U hetym i Šlach.
Nabyć knihu možna na sajcie vydaviectva, tam ža možna zamović usie knihi sieryi (sa źnižkaj).
16 studzienia ŭ Varšavie na sustrečy ź Jevaj Viežnaviec možna budzie zadać pytańni, padpisać knihi, pasłuchać razvahi aŭtarki. Maderatarka sustrečy — hałoŭnaja redaktarka vydaviectva Gutenberg Publisher Valancina Andrejeva.
- 16 studzienia, 18:30-20:00
- Imaguru Startup HUB, Warszawa, ul. Twarda 14/16
- Uvachod volny
Ciapier čytajuć
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna2323
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna23
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1414
Kamientary