Były prezident Ukrainy siońnia a dziaviataj ranicy (pavodle minskaha času) vylecieŭ z Varšavy ŭ Kijeŭ rejsavym samalotam Wizzair. Va Ukrainie jamu pahražaje aryšt.
10:38
U aeraporcie «Žulany» ŭ Parašenki zabrali pašpart. U hety čas da jaho padyšoŭ śledčy i pasprabavaŭ uručyć pozvu ŭ sud.
U aeraporcie «Žulany» paśla prylotu z Varšavy padčas prachodžańnia pašpartnaha kantrolu ŭ byłoha prezidenta Ukrainy zabrali pašpart i nie addavali kala 15 chvilin.
U hety čas da jaho padyšoŭ śledčy i pasprabavaŭ uručyć pozvu ŭ sud. Paśla viartańnia pašparta Parašenka źviarnuŭsia da prychilnikaŭ, jakich sabrałasia niekalki tysiač.
10:02
Jon prylacieŭ u Kijeŭ a 10-j hadzinie ŭ Žulany (9:00 pa Kijevie), dzie jaho ŭžo čakajuć tysiačy prychilnikaŭ i palityčnych paplečnikaŭ, piša Bi-bi-si.
Raniej čakałasia, što piataha prezidenta mohuć zatrymać u aeraporcie adrazu ž paśla viartańnia va Ukrainu pa patrabavańni Słužby biaśpieki i Dziaržaŭnaha biuro rasśledavańniaŭ.
Jaho abvinavačvajuć u dziaržaŭnaj zdradzie i sadziejničańni dziejnaści terarystyčnych arhanizacyj u 2014-2015 hadach, padčas pastaŭki enierhietyčnaha vuhalu z terytoryi samaabvieščanych «DNR-ŁNR».
Amal miesiac pravaachoŭniki pravodzili śledčyja dziejańni ŭ dačynieńni da Parašenki, jaki pakinuŭ Ukrainu 17 śniežnia, a sud navat aryštavaŭ jaho majomaść.
Paplečniki Parašenki čakajuć, što pravaachoŭniki mohuć zatrymać jaho i dastavić u sud dla abrańnia miery strymańnia. Bo śledčyja majuć ordar na prymusovuju dastaŭku.
Pasiadžeńnie suda pavinna adbycca 17 studzienia — sami advakaty prasili pryznačyć pasiadžeńnie na dzień viartańnia. Pačatak pasiadžeńnia zapłanavany na 11 hadzin ranicy.
Kamientary