Pavodle infarmacyi krynic telekanała CNN, Bierns sustreŭsia ź Zialenskim na minułym tydni. Baki abmierkavali situacyju na miažy i mahčymyja miery pa deeskałacyi napružanaści.
Dyrektar Centralnaha raźviedvalnaha ŭpraŭleńnia (CRU) ZŠA Uiljam Bierns sustreŭsia na minułym tydni ŭ Kijevie z prezidentam Ukrainy Uładzimiram Zialenskim, paviedamlaje CNN sa spasyłkaj na krynicy.
Pa danych telekanała, Bierns «prakansultavaŭsia z kalehami z raźviedki ŭ suviazi z aściarohami «uvarvańnia» Rasii va Ukrainu», a taksama abmierkavaŭ ź Zialenskim biahučuju situacyju i mahčymyja miery pa deeskałacyi napružanaści.
Na pačatku listapada Bierns pryjazdžaŭ u Maskvu. Kiraŭnik CRU sustreŭsia z sakratarom Rady biaśpieki Rasii Mikałajem Patrušavym i kiraŭnikom Słužby źniešniaj raźviedki Siarhiejem Naryškinym. U Radzie biaśpieki paviedamili, što Patrušaŭ i Bierns abmierkavali rasijska-amierykanskija stasunki.
Paźniej telekanał CNN paviedamiŭ, što Bierns pryjazdžaŭ u Maskvu, kab papiaredzić rasijski bok ab tym, što «ZŠA ŭvažliva sočać za naroščvańniem rasijskich vojskaŭ la miažy z Ukrainaj», a taksama kab ustanavić matyvacyju dziejańniaŭ Rasii.
The New York Times: Rasija pačała evakujavać siemji dypłamataŭ z Ukrainy
-
U Izraili vykryli mižnarodnuju sietku, jakaja zajmałasia handlem žančynami. Dapamahła ahientka ź Biełarusi
-
Aeraporty Vilni i Koŭna dazvolili pranosić na bort da 2 litraŭ vadkaści ŭ ručnoj pakłažy
-
Praz rasijska-biełaruskija vajskovyja vučeńni Litva zakryła pavietranuju prastoru na miažy ź Biełaruśsiu
Ciapier čytajuć
«Jon kazaŭ, što zołata z saboj nie zabiareš, lepiej zrabić niešta dla inšych». Dačka biznesmiena Kalina raskazała, jak razam z bratam čakaje jaho z kałonii
Kamientary