«EpiVakKarona» nieefiektyŭnaja suprać kavidu i navat škodnaja. A joj pryščaplaŭsia Makiej
«Mieduza» praanalizavała vyniki prymianieńnia rasijskaj vakcyny ad kavidu «EpiVakKarona», a taksama inšych rasijskich vakcyn na asnovie źviestak ab zachvorvalnaści ŭ Maskvie letam 2021 hoda. Hetyja vyniki paćviardžajuć toje, pra što mnohija ŭžo zdahadvalisia, ale nichto nie moh statystyčna dakazać, piša vydańnie: «EpiVakKarona» nieefiektyŭnaja.
Bolš za toje, jana moža być škodnaja, bo daje pryščeplenym iłžyvaje adčuvańnie abarony i tym samym stymuluje vialikuju zachvorvalnaść.
Tak, pavodle «Mieduzy», unutranyja źviestki ab zachvorvańni departamienta zdaroŭja Maskvy paćviardžajuć najaŭnaść achoŭnaj efiektyŭnaści ŭ «Sputnika V», pryčym suprać bolš ciažkaha ciačeńnia jana pavyšajecca.
A voś pa vynikach prymianieńnia «EpiVakKarony», jakuju raspracavaŭ novasibirski centr «Viektar», u hetaj vakcyny ŭ Maskvie nie vyjaviłasia jakoj-niebudź efiektyŭnaści naohuł.
Pryčym siarednija značeńni efiektyŭnaści sychodziać u minus dla ŭsich uzrostavych hrup: -16% dla hrupy 18-50 i jašče nižej dla starejšych hrup. Mahčyma, heta źviazana z całkam zrazumiełym i čakanym źmianieńniem pavodzin ludziej paśla pryščepki: jany pačynajuć vieści bolš aktyŭny ład žyćcia, raźličvajučy na abaronu, jakoj niama.
Daśledavańni ŭ Sankt-Pieciarburhu taksama pakazali, što efiektyŭnaści niama.
Razam z tym, padkreślivaje vydańnie, «EpiVakKarona» čamuści praciahvaje vypuskacca i prymianiacca ŭ Rasii ŭ 2022 hodzie, tamu Minzdaroŭja krainy pavinna adklikać jaje rehistracyju jak preparatu biez dakazanaj efiektyŭnaści, a taksama apublikavać vyniki ekśpiertyzy, pavodle danych jakoj jon byŭ zarehistravany.
A raspracoŭščyk «EpiVakKarony» — centr «Viektar» — pavinien apublikavać danyja kliničnaha daśledavańnia III fazy, jakoje viadziecca z pačatku 2021 hoda i ab vynikach jakoha da hetaha času ničoha nie viadoma.
U listapadzie 2021 hoda paviedamlałasia, što «EpiVakKaronaj» praščapiŭsia ministr zamiežnych spraŭ Biełarusi Uładzimir Makiej.
«Tak, ja zrabiŭ pryščepku rasijskaj vakcynaj, jakaja była ŭ najaŭnaści, — «EpiVakKaronaj», — kazaŭ tady ministr u intervju RIA «Naviny».
Pavodle jaho słoŭ, paśla hetaha ŭdałosia pabyvać u mnohich krainach, i «kali zdaješ PŁR-testy, atrymlivaješ admoŭny vynik». «Značyć, vakcyna dziejničaje, i dziejničaje efiektyŭna», — dzialiŭsia nazirańniami kiraŭnik MZS Biełarusi.
NAN: Biełaruskaja vakcyna ad kavidu vypracoŭvaje antycieły nie horš za suśvietnyja anałahi. Ale jość niuans
U Biełarusi znoŭ pačała raści kolkaść novych vypadkaŭ kavidu. A što ŭ susiedziaŭ? HRAFIKI
Ciapier čytajuć
Anžaliku Mielnikavu bačyli ŭ Minsku ŭ «Dana Mole»7
Kamientary