Palitviazień Uładzimir Mackievič pačaŭ haładoŭku. Jon znachodzicca pad vartaj u SIZA paŭhoda, z 4 žniŭnia 2021-ha, jaho abvinavačvajuć u arhanizacyi dziejańniaŭ, jakija hruba parušajuć hramadski paradak, paviedamlaje Deutsche Welle.
Pieršyja 10 dzion fiłosaf źbirajecca haładać na vadzie.
Kali jaho patrabavańni nie vykanajuć, jon piarojdzie da suchoj haładoŭki, skazana na staroncy ŭ jaho padtrymku ŭ Fejsbuku. Palitviazień patrabuje źmianić mieru ŭtrymańnia na padpisku ab niavyjeździe, zaviaršyć śledčyja dziejańni i pryznačyć datu suda.
U Mackieviča ŭžo jość vopyt praciahłaj haładoŭki.
U 2006-m jon 23 dni haładaŭ razam z prychadžanami carkvy «Novaje žyćcio», pratestujučy suprać jaje prymusovaha vysialeńnia. Tady ŭłady admianili svajo rašeńnie.
Kamientary