Kalcone — znakamitaja zakrytaja pica, jakaja nahadvaje pa svajoj formie zakryty piroh. Jaje časta jaduć u centralnych i paŭdniovych rajonach Italii, asabliva lubiać kalcone ŭ Nieapali.
Fota: BBC Food.
Kab zrabić picu kalcone, vam spatrebicca:
Dla ciesta
- 250 hramaŭ muki
- 2 čajnyja łyžki razrychlalnika
- sol (ciesta dla picy lubić sol)
- 2 vialikija jajki
- 2 čajnyja łyžki aleju
Dla načyńnia
- 50 hramaŭ paciortaj macareły
- 400 hramaŭ pasiečanych tamataŭ (pravarycie ich u kastruli, pakul tamatnaja masa nie źmienšycca ŭ pamiery ŭ dva razy). Kali tamataŭ niama, možna vykarystoŭvać tamatnuju pastu, jaje biaruć našmat mienš, čym pamidoraŭ
- 4 hałoŭki brokali (parežcie)
- pałova cybuliny (parežcie)
- 50 hramaŭ paciortaha syru čedar (abo luboha inšaha ćviordaha syru na vaš hust)
- 2 łusty biekonu, smažanaha i parezanaha
- 1 miełka parezanaja hałoŭka časnyku
- 2 stałovyja łyžki śviežych traŭ (abo 1 čajnaja łyžka sušanych), na vaš vybar — bazilik, arehana ci piatruška
- Źmiašajcie ŭ vialikaj miscy muku, razrychlalnik, sol, jajki i alej. Kab atrymałasia adnarodnaja ciesta, dadajcie 4—6 stałovych łyžak vady — pa adnoj łyžcy za raz, pakul u hetym budzie nieabchodnaść.
- Pasypcie pracoŭnuju pavierchniu (naprykład, stoł) mukoj i raskačajcie na joj ciesta. Vyražcie ź jaho dva kruhi prykładna adnaho pamieru.
- Razahrejcie duchoŭku da 220 hradusaŭ. Pamiaścicie tudy blachu dla vypiakańnia picy.
- Źmiašajcie ŭsie astatnija inhredyjenty razam i raździalicie sumieś na dźvie častki. Vy možacie vykarystoŭvać dla kalcone lubyja pradukty z tych, što jość u vas u chaładzilniku — naprykład, reštki sadaviny, hryby, viandlinu ci kaŭbasu. Pakładzicie sumieś na pałovu kožnaha z kruhoŭ ciesta i nakryjcie jaje druhoj pałovaj kruha, kab atrymałasia zakrytaja picca. Saščapicie krai kalcone palcami abo z dapamohaj videlca.
- Raźmiaścicie picy na papiery dla vypiakańnia i aściarožna pieraniasicie ich na blachu. Vypiakajcie kalcone 15—20 chvilin ci pakul ciesta nie paciamnieje i nie stanie chrustkim.
Recept na vychodnyja: smažanyja hrudki kački ź inžyram
Lubicie draniki? Tady pryhatujcie Rösti — šviejcarskaje smakoćcie
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj32
Kamientary