Google papiaredziŭ karystalnikaŭ pra krytyčnuju ŭraźlivaść. Pazbaŭciesia ad jaje zaraz
Kampanija Google paprasiła ŭsich karystalnikaŭ braŭziera Google Chrome terminova jaho abnavić. Inakš tyja ryzykujuć paciarpieć ad kibierataki.
Pradstaŭniki Google abviaścili, što ŭ paniadziełak kampanija vypuściła terminovaje abnaŭleńnie dla braŭziera Google Chrome. Jano vypraŭlaje 11 važnych pamyłak u prahramie, jakija rabili braŭzier uraźlivym da kibierzłačynstvaŭ, piša The Sun.
Google paćvierdziŭ, što pra adnu z uraźlivaściej, prablemu pad numaram CVE-2022-0609, chakiery dakładna viedajuć i vykarystoŭvajuć jaje ŭ metach kibieratak. Uraźlivaść moža dazvolić złačyncam addalena padklučacca da kampjutaraŭ achviar i zapuskać na ich škodnyja prahramy.
Kab juziery zastavalisia ŭ biaśpiecy, Google rekamienduje ŭsim terminova abnavić braŭzier Google Chrome na svaich devajsach. Dla taho, kab abnavić braŭzier na kampjutary, treba nacisnuć knopku «nastrojka i kiravańnie Google Chrome» (try viertykalnyja kropki) u vierchnim pravym vuhłu. U mieniu, što adkryjecca, vybiarycie «Abnavić Google Chrome». Kali takoha varyjanta tam nie budzie, značyć, vy ŭžo vykarystoŭvajecie apošniuju viersiju braŭziera.
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Kamientary