Arbitry ŭ hetym epizodzie kryminału nie ŭbačyli.
Biełaruski forvard «Kałhary» Jahor Šaranhovič straciŭ niekalki zuboŭ u hulni Nacyjanalnaj chakiejnaj lihi z «Edmantanam», piša «Biełaruski chakiej».
Prykry epizod adbyŭsia ŭ kancy druhoha pieryjadu, kali forvard «Edmantana» Leon Drajzajtl trapiŭ kluškaj u tvar Šaranhoviča. Paśla hetaha Jahor nie zmoh chutka padniacca ź lodu, a Drajzajtl aformiŭ hoł.
Arbitry ŭ hetym epizodzie kryminału nie ŭbačyli.
«Kałhary» ŭ vyniku abyhraŭ «Edmantan» ź likam 4:3.
U hetym siezonie NCHŁ Šaranhovič pryniaŭ udzieł u 52 matčach, nabraŭ 20 bałaŭ (11+9), maje pakazčyk karysnaści «—18» i vosiem chvilin štrafnoha času. Biełarus nie nabiraje bały ŭ šaści apošnich sustrečach.
«Kałhary» paśla 56 hulniaŭ (usiaho ŭ rehularnym čempijanacie 82 matčy) maje ŭsiaho 52 bały i zajmaje 14‑ie miesca ŭ Zachodniaj kanfierencyi (usiaho tam 16 kłubaŭ). Adstavańnie ad zony płej-of składaje 11 bałaŭ i naviarstać jaho nierealna.
Zaraz u NCHŁ abvieščany pierapynak da 25 lutaha praz chakiejny turnir na Alimpijadzie.
U harach Kyrhyzstana z drona adšukali cieły źnikłych biełaruskich alpinistaŭ8
Kamientary