«Źniziŭsia cisk, niamiejuć ruki i nohi». Stan Mackieviča horšaje
Siastra Uładzimira Mackieviča sustrełasia siońnia ź miedykami z DVP MUS, jakija skazali joj, što, pa acenkach, stan Uładzimira zdavalniajučy i jany trymajuć situacyju pad kantrolem. Adnak rodnyja i kalehi Mackieviča vykazvajuć u hetym sumnievy, piša methodology_by.
Siońnia Uładzimiru Mackieviču stała vielmi drenna. Byŭ vyklikany lekar, jamu pastavili kropielnicu i ŭkałoli vitaminy.
Svajaki padkreślivajuć, što ŭ situacyi suchoj haładoŭki pahroza žyćciu narastaje z kožnym hadzinaj. A ŭ tym, što ŭ vypadku rezkaha paharšeńnia zdaroŭja miedycynskaja dapamoha ŭ pienitencyjarnych strukturach moža być svoječasovaj i adekvatnaj, jość vialikija sumnievy, zychodziačy z raniejšaj praktyki.
U toj ža čas vykanańnie patrabavańniaŭ, vyłučanych Uładzimiram Mackievičam, znachodzicca całkam u kampietencyi Śledčaha kamiteta i Prakuratury Respubliki Biełaruś.
Adsutnaść dziejańniaŭ možna razhladać jak śviadomaje daviadzieńnie situacyi da trahičnaha zychodu.
-
«Mnie kazali: ty z hłuzdu źjechaŭ, jaki pašpart, tut Kijeŭ mohuć uziać!» Biełarus raskazaŭ, jak zhubiŭ va Ukrainie dakumienty i try hady nie moh ź jaje vyjechać
-
U Dobrušy čałaviek dabiŭsia kampiensacyi ad haspadara aŭčarki, pa vinie jakoj jon straciŭ voka
-
Pry adstupleńni z Chiersona rasijanie vyvieźli karciny niekalkich mastakoŭ, źviazanych ź Biełaruśsiu
Kamientary