Uładzimir Mackievič spyniŭ haładoŭku: Sprava zrušyłasia ź miortvaha punktu
Siońnia ŭ prapahandysckich Telegram-kanałach źjaviłasia videa z Uładzimiram Mackievičam, dzie jon jeść i pje. U tych ža krynicach apublikavanaja zajava na imia načalnika SIZA ab spynieńni haładoŭki. Paźniej była raspaŭsiudžanaja zajava samoha palitviaźnia, u jakoj jon vykazvaje nadzieju, što ŭznaŭlać haładoŭku nie pryjdziecca.
«Učora ja staŭ adklučacca. Susied vyklikaŭ daktaroŭ, zrabili kropielnicu. Paśla pracedury była sustreča sa śledčym, ź jakoj ja zaklučyŭ, što sprava zrušyłasia ź miortvaha punktu. Ja spyniŭ haładoŭku i viečaram kala 19:00 napisaŭ zajavu. Spadziajusia, što ŭznaŭlać nie pryjdziecca», — takuju zajavu pieradaŭ praz svajho advakata Uładzimir Mackievič.
Jak ličać siamja i siabry fiłosafa, chvala hramadskaj salidarnaści dazvoliła damahčysia taho, što byli pryniatyja pastanovy i spravie byŭ dadzieny chod.
«Niahledziačy na pazityŭny zruch u spravie, jakoha damohsia Uładzimir Mackievič, nie ŭsie patrabavańni na hety momant vykananyja. Heta patrabuje ad nas praciahu dziejańniaŭ, nakiravanych na zaviaršeńnie śledstva i pieradačy spravy ŭ sud», — adznačajecca ŭ zajavie blizkich palitviaźnia.
U liście da načalnika SIZA paznačana, što Mackievič abvinavačvajecca pa art. 342 (arhanizacyja dziejańniaŭ, jakija hruba parušajuć hramadski paradak).
Ab hetym było viadoma raniej, adnak ciapier fihuruje taksama art. 361-1 Kryminalnaha Kodeksa «Stvareńnie ekstremisckaha farmavańnia abo ŭdzieł u im». Mienavita pra toje, što fiłosafa mohuć abvinavacić pa inšym artykule, havaryłasia na niadaŭniaj pres-kanfierencyi. Heta moža być źviazana sa «Schodam», kazali blizkija.
«My spadziajemsia, što śledstva pa spravie budzie zavieršanaje, i paśla spynieńnia haładoŭki Uładzimiru Mackieviču nie pryjdziecca znoŭ źviartacca da hetaj krajniaj miery», — kažuć siabry i siamja fiłosafa.
Pahoršyŭsia stan Uładzimira Mackieviča, jaki haładaje 12-ty dzień. Jaho blizkija: Usie jaho patrabavańni zakonnyja i vykanalnyja
Ciapier čytajuć
U Polščy aryštavali byłoha kiraŭnika biełaruskaha «Paspalitaha rušeńnia» — pahražaje 10 hod za narkotyki23
Kamientary