Hałoŭčanka pałochaje Litvu zabaronaj na ekspart draŭniny ź Biełarusi
Premjer-ministr Biełarusi Raman Hałoŭčanka daŭ intervju litoŭskaj haziecie «Vakaro žinios», u jakoj prakamientavaŭ čarhovy raz admovu Litvy ad tranzitu biełaruskaha kaliju.
«My ŭsprymajem hetaje rašeńnie absalutna niezakonnym, na naš pohlad, i z punktu hledžańnia mižnarodnaha prava, i dvuchbakovych adnosin, ale jano pryniataje.
My nie ŭmiešvajemsia va ŭnutranyja spravy, u adroźnieńnie, darečy, ad litoŭskich uładaŭ, jakija ŭsialak sprabujuć umiašacca ŭ našy spravy, ale my chedžyrujem svaje ryzyki i siekjurytyzujem našy ekanamičnyja intaresy, tamu kalij pajedzie ŭ inšy bok. Ukraina i Rasija — heta što tyčycca marskich pieravozak. U asnoŭnym jon idzie ŭ Rasiju, i čyhunačnyja pieravozki ŭ napramku Kitaja», — skazaŭ jon.
Taksama Hałoŭčanka zajaviŭ, što «kali situacyja budzie raźvivacca ŭ takim klučy», to Biełaruś hatovaja zabaranić pastaŭki ŭ Litvu inšych katehoryj tavaraŭ, a taksama impart u Biełaruś zapčastak i adzieńnia sekand-chend.
Taksama premjer raspavioŭ ab mahčymym spynieńni ekspartu draŭniny ŭ Litvu.
«Kali pahladzieć tavary, jakija ekspartujucca ź Biełarusi ŭ Litvu, sotni miljonaŭ — heta drevaapracoŭka pradukcyi. Draŭnina ŭ vyhladzie raśpiłavanaj doški nakiroŭvajecca ŭ Litvu i tam užo litoŭskija drevapierapracoŭčyja pradpryjemstvy robiać dalejšuju pierapracoŭku i ekspartujuć u krainy Jeŭrasajuza», — skazaŭ jon.
Premjer-ministr padkreśliŭ: «Kali daviadziecca, my pierakryjem hety kanał pastavak. Dzie budzie brać Litva draŭninu i kudy padzienucca litoŭskija drevaapracoŭščyki — pytańnie. My prosta pierakiniem draŭninu na inšyja rynki — popyt vielmi vialiki».
Kamientary