Prezident ZŠA Donald Tramp, jaki ciapier znachodzicca ź vizitam u Saudaŭskaj Aravii, zajaviŭ, što na rasijska-ŭkrainskuju sustreču ŭ Stambule pryjedzie dziaržsakratar ZŠA Marka Rubia. Raniej paviedamlałasia, što ŭ Turcyju taksama jeduć śpiecpradstaŭniki prezidenta ZŠA Kit Kiełah i Styŭ Uitkaf. Ci pajedzie sam Tramp — zaležyć ad rašeńnia Pucina ŭdzielničać u sustrečy.
Miž tym jość infarmacyja, što na zapłanavanych na 15 traŭnia pieramovach adnosna vajny va Ukrainie ŭ Turcyi Rasiju pradstaviać kiraŭnik MZS Siarhiej Łaŭroŭ i pamočnik Pucina Juryj Ušakoŭ, piša Washington Post sa spasyłkaj na nienazvanaha byłoha vysokapastaŭlenaha čynoŭnika Kramla. Raniej pra heta paviedamlała rasijskaja «Komsomolskaja pravda», ale navinu adrazu ž vydalili.
Fakt adpraŭki rasijskaj delehacyi ŭ Stambuł taksama paćvierdziŭ pres-sakratar Pucina Dźmitryj Piaskoŭ, adnak jon nie abviaściŭ skład delehacyi.
Inicyjataram pramych pieramovaŭ z Ukrainaj u Turcyi vystupiŭ Uładzimir Pucin, ale jon nie damoviŭsia ab uzroŭni sustrečy. Uładzimir Zialenski pryniaŭ zaprašeńnie i prapanavaŭ Pucinu sustrecca asabista, adnak pakul što Pucin na heta nijak nie adkazaŭ.
Ciapier čytajuć
Pamior 50-hadovy śpiecnazaviec Bućko. Jon byŭ udzielnikam vykradańnia i zabojstva Zacharanki i Hančara36
Kamientary