Lidar Paŭnočnaj Karei Kim Čen Yn naviedaŭ taktyčnyja vučeńni padraździaleńniaŭ śpiecyjalnych apieracyj KNDR.
Pavodle jaho słoŭ, u sučasnaj vajnie adbyvajecca intelektualnaja bitva kamandziraŭ, tamu nieabchodna, kab jany byli bolš samastojnymi i inicyjatyŭnymi, paviedamlaje Paŭnočnakarejskaje infarmacyjnaje ahienctva.
«13 maja adbylisia kompleksnyja taktyčnyja vučeńni padraździaleńniaŭ śpiecyjalnych apieracyj pa pieraadoleńni narmatyvu bataljonnaha mnahaborstva, spabornictvy siarod padraździaleńniaŭ suchaputnych vojskaŭ i pakazalnaje vučeńnie pa ahniavym uzajemadziejańni zhodna z vučebnaj mietodykaj».
U navučalny centr prybyŭ Kim Čen Yn, jaki «aznajomiŭsia ź mietodykaj taktyčnaj padrychtoŭki kožnaha rodu vojskaŭ».
Taksama Čen Yn z naziralnaha punkta sačyŭ za «roznymi mietadami taktyčnaj padrychtoŭki razam z kamandnym składam armii».
Paviedamlajecca, što «uvahu ŭdzielnikaŭ pryciahnuli raznastajnyja taktyčnyja praktykavańni padraździaleńniaŭ śpiecyjalnych apieracyj pa praryvie standartaŭ šmatfunkcyjanalnaha bataljona i spabornictvy padraździaleńniaŭ suchaputnych vojskaŭ».
Vital z-pad Vilejki, jaki padpaliŭ chatu z ułasnymi dziećmi, zavierbavaŭsia ŭ rasijskaje vojska. I prapaŭ na pieršym ža bajavym zadańni5
Kamientary
Yn, vviedi vojska!