Kiraŭnik niamieckaj raźviedki zatrymaŭsia ŭ Kijevie praz napad Rasii, ale jaho ŭžo evakujavali
Śpiecpadraździaleńnie niamieckaj raźviedki evakujavała z Kijeva kiraŭnika svajho viedamstva Bruna Kala, jaki znachodziŭsia va ŭkrainskaj stalicy, kali Rasija ździejśniła napad na Ukrainu. Pra heta piša «Jeŭrapiejskaja praŭda».
Niekalki dzion tamu, pierad rasijskim uvarvańniem, Bruna Kal pajechaŭ u Kijeŭ, kab abmierkavać situacyju z ukrainskimi kalehami.
«Ale napad Rasii ranicaj u čaćvier, jaki ździviŭ ŭsich, taksama ździviŭ Kala», — adznačaje vydańnie.
Paśla taho, jak ministr zamiežnych spraŭ Analena Bierbak zaklikała ŭsich niemcaŭ pakinuć krainu, śpiecyjalny adździeł fiederalnaj palicyi pa pytańniach asabistaj abarony za miažoj pryniaŭ miery i evakujavaŭ dypłamataŭ i aficeraŭ suviazi pa sušy.
Ale Kal nie zmoh svoječasova dabracca da hetaha evakuacyjnaha padraździaleńnia. Tamu z hetaj niebiaśpiečnaj situacyi jaho daviałosia ratavać admysłovamu adździełu raźviedki. U druhoj pałovie dnia ŭ piatnicu jon pavinien byŭ prybyć na terytoryju Polščy.
Kamientary