«Zaprasili ŭ KDB i nie vypuścili»: zatrymany bankir Siarhiej Kaściučenka, kiraŭnik «Pryjorbanka»
Jak stała viadoma «Našaj Nivie», na pačatku tydnia śpiecsłužby zatrymali Siarhieja Kaściučenku — kiraŭnika «Pryjorbanka» z aŭstryjskim kapitałam.
«Zaprasili ŭ KDB, a nazad nie vypuścili», — paviedamili nam krynicy.
Viadoma, što farmalnaj padstavaj dla aryštu stała nibyta najaŭnaść niejkich padatkovych prablem u IT-kampanii, dzie Kaściučenka saŭładalnik.
Ale ŭ bankirskich kołach źviartajuć uvahu na palityčny charaktar spravy. Mierkavanaj sapraŭdnaj pryčynaj zatrymańnia ličycca zanadta samastojnaja pazicyja Kaściučenki ŭ biahučych ekanamičnych abstavinach i niežadańnie achviaravać resursami banka pa ŭkazcy kabinietnych kamandziraŭ.
Kaściučenka — nadzvyčaj aŭtarytetny čałaviek u biełaruskim bankaŭskim i biznes-asiarodkach. Z dapamohaj jaho zdolnaści ŭbačyć pravilnyja kirunki inviestycyj u krainie vyrasła mnostva paśpiachovych biznesaŭ.
Pałova akcyj «Pryjorbanka» naležyć aŭstryjskamu Raiffeisen.
Kaściučenka źjaŭlajecca staršynioj Praŭleńnia «Pryjorbanka» z 1990 hoda.
Kamientary