Viarchoŭny sud Brazilii na zapyt palicyi vynies pastanovu ab błakavańni Telegram na terytoryi krainy, paviedamili CNN Brasil i Globo. Pastanova ab błakavańni ŭžo nakiravana miascovym ličbavym płatformam i pravajderam. U vypadku admovy ad jaho vykanańnia im pahražaje štraf da 100 tysiač reałaŭ (20 tysiač dalaraŭ) u dzień, paviedamlaje Meduza.io.
Sud patłumačyŭ błakavańnie tym, što Telegram nie vykanaŭ papiarednija sudovyja pastanovy. U svaju čarhu palicyja pakazała sudu na toje, što Telegram «viadomy svajoj pazicyjaj admovy ad supracoŭnictva z sudovymi i palicejskimi orhanami ŭ niekalkich krainach», havorycca ŭ sudovych dakumientach.
Raniej administracyja miesiendžara pa patrabavańni brazilskich uładaŭ zabłakavała šerah kanałaŭ, jakija byli pryznany, što raspaŭsiudžvajuć iłžyvuju infarmacyju. U tym liku kanał adnaho z prychilnikaŭ prezidenta krainy Žaira Bałsanaru — błohiera Ałana duš Santuša, jaki znachodzicca pad śledstvam pa spravie ab raspaŭsiudzie fejkavych navin i napadzie na sudździaŭ.
Pry hetym, jak adznačaje BBC News, miesiendžar nie vykanaŭ inšuju častku pastanovy suda, u tym liku nie dała infarmacyju ab manietyzacyi i finansavych achviaravańniach kanała błohiera.
Ciapier čytajuć
Stała viadomaje imia druhoj biełaruski, jakaja zhinuła pad sielem u Niepale. Heta 24‑hadovaja Iryna z žurfaka BDU3
Stała viadomaje imia druhoj biełaruski, jakaja zhinuła pad sielem u Niepale. Heta 24‑hadovaja Iryna z žurfaka BDU
Elektronnuju «Biełaruskuju encykłapiedyju», stvoranuju jak prastoru «vierahodnych viedaŭ pra Biełaruś», cicha likvidavali razam z redakcyjaj. Kupu artykułaŭ pieradali Hihinu55
Kamientary