Žurnalisty spytali Vadzima Hihina, čamu Rasija bambić ruskamoŭny Charkaŭ

 Ukrainskija žurnalisty patelefanavali ciapierašniamu dyrektaru biełaruskaha tavarystva «Viedy» Vadzimu Hihinu, kab spytać «Ryhor Azaronak — heta što ŭvohule».

‒ Ryhora ja asabista viedaju. Heta patryjot svajoj krainy. Jon nieadnarazova dakazvaŭ heta. I toje, što na jaho nakiravany streły praciŭnikaŭ biełaruskaj dziaržaŭnaści, śviedčyć pra toje, što jon jakasna i dastojna robić svaju rabotu. […] Ryhor pradstaŭlaje taki ideałahičny viektar. Jon zaŭsiody paśladoŭna krytykuje zachad. Heta čałaviek, jaki prytrymlivajecca kansiervatyŭnych tradycyjnych kaštoŭnaściej. U jaho vialikaja kolkaść paśladoŭnikaŭ, jak na terytoryi Biełarusi, tak u Rasii i, ja pierakanany, va Ukrainie taksama. Jon idejna pierakanany čałaviek. Jon ščyra vieryć u toje, pra što kaža, ‒ adkazaŭ Hihin.

Padčas razmovy Hihin nazvaŭ uvarvańnie «śpiecyjalnaj vajennaj apieracyjaj», što vyklikała novy vitok sprečak u studyi. Potym eks-dekan BDU raspavioŭ pra «ukrainskija pravakacyi», pra jakija raniej zajaŭlaŭ Alaksandr Łukašenka. Viadučyja ŭ adkaz zaŭvažyli, što rasiejskija Uzbrojenyja siły ŭvarvalisia va Ukrainu ŭ tym liku z terytoryi Biełarusi, chacia sam Łukašenka nieadnarazova zajaŭlaŭ, što nijakaj pahrozy dla Ukrainy ź biełaruskaha boku nie budzie.

Vadzim Hihin na heta paŭtaryŭ tezis rasijskaj prapahandy ab tym, što va Ukrainie pravodzicca «śpiecyjalnaja vajennaja apieracyja pa demilitaryzacyi i denacyfikacyi», uspomniŭ połk «Azoŭ». Viadučyja paprasili surazmoŭcu nie raspaŭsiudžvać dezinfarmacyju i spytali, kaho rasijskaje vojska «denacyfikuje» ŭ ruskamoŭnych haradach Ukrainy.

‒ Pra jakuju denacyfikacyi idzie havorka, kali z vašaha papuščalnictva puskajuć rakiety na Charkaŭ ‒ całkam ruskamoŭny horad?  ‒ zadaŭ pytańnie viadučy.

‒ Što tyčycca Respubliki Biełaruś. Rasiejskaja Fiederacyja źjaŭlajecca našym sajuźnikam i sapraŭdy…

‒ Čamu vy puskajecie rakiety na Charkaŭ? Kaho vy tam «denacyfikujecie»? Całkam ruskamoŭny horad, ‒ paŭtaryŭ pytańnie viadučy.

‒ Kali vy zadajacie pytańnie …, ‒ pačaŭ aburacca Hihin, ale na hetym suviaź pierapyniłasia i śpikier źnik z efiru. Praź niekalki siekund jon viarnuŭsia. ‒ Heta kaža naohuł ab vašym ujaŭleńni ab svabodzie słova, kali vy pierabivajecie praź piać siekund paśla taho, jak zadali pytańnie…

‒ Ja chaču pačuć adkaz na svajo pytańnie, ‒ paŭtaryŭ ukrainski žurnalist.

‒ Ja adkazvaju na vaša pytańnie. Vy mnie dajcie chacia b 10 siekund i nie pierabivajcie. Takim čynam. Što da Respubliki Biełaruś. Rasiejskaja Fiederacyja ‒ naš sajuźnik. Tyja mety, jakija stavić Rasijskaja Fiederacyja, jak ja baču, bolšaść palityčnych sił Biełarusi i kiraŭnictva našaj krainy padzialaje… ‒ na hetym dziesiać siekund, pra jakija prasiŭ Hihin dla adkazu, skončylisia.

‒  Vadzim, pytańnie hučyć tak: Ruskamoŭny Charkaŭ, čamu vy na jaho spuskajecie rakiety i padtrymlivajecie hetuju palityku. Adkaz budzie?

‒ Vy mianie [nierazborliva] da adkazu. A tak u vas nie atrymajecca. Nie atrymajecca ŭ vas tak. Ja budu adkazvać tak, jak baču situacyju…

‒ Vadzim, u cełym zrazumiełaja vaša pazicyja. Spadziajusia, što bolšaść biełaruskaha hramadstva nie padzialaje jaje. Usiaho vam dobraha! Ščaścia vam! Kirunak ruchu vajennaha karabla rasijskaha vam dobra viadoma, ‒  raźvitaŭsia z Vadzimam Hihinym druhi viadučy.

‒ Ja liču, što vielmi važna, kab hetyja ludzi ŭ efiry pakazvali svajo hłupstva. Čałaviek kaža pra Maryupal, pra nacystaŭ — całkam rasiejskimi naratyvami. Ale na pytańnie, čamu jany puskajuć rakiety na ruskamoŭnyja harady, pačynajuć sychodzić u niejkuju fiłasofiju i kryčać, — vykazaŭ pieršy viadučy svajo mierkavańnie ab eks-dekanie fakulteta fiłasofii i sacyjalnych navuk BDU.

«Viadučy ANT napisaŭ mnie: «Ty zdochnieš na pomojkie». Ivan Padrez raskazaŭ pra evakuacyju siamji z Charkava, Ihara Tura i Łukašenku

«Heta manipulacyja, heta chłuśnia, heta vializny padman». Žanna Ahałakava — pra telebačańnie, sankcyi i «zambavanych» rasijan

• 1
• 0
• 0
• 0
• 0
• 0
• 1
• 0