Ministerstva ekanomiki Hiermanii prapracoŭvaje pytańnie nacyjanalizacyi niamieckich «dočak» «Hazprama» i «Rasnafty»
Ministerstva ekanomiki Hiermanii razhladaje mahčymaść nacyjanalizacyi padraździaleńniaŭ «Hazprama» i «Rasnafty» ŭ krainie z-za kłopatu adnosna biaśpieki enierhazabieśpiačeńnia. Pra heta paviedamlaje niamieckaje vydańnie Handelsblatt sa spasyłkaj na svaje krynicy va ŭradzie.
Adznačajecca, što paśla aktyvacyi płana nadzvyčajnaha stanovišča na dzień raniej Hiermanija razhladaje inšyja kroki dla zabieśpiačeńnia biaśpieki enierhazabieśpiačeńnia.
U pryvatnaści, top-čynoŭniki ŭrada abmiarkoŭvajuć eksprapryjacyju i nacyjanalizacyju niamieckich daččynych kampanij rasijskich «Hazprama» i «Rasnafty».
Padstava dla takich abmierkavańniaŭ, u jakich udzielničaje i kancler Ołaf Šolc — zaniepakojenaść adnosna biaśpieki pastavak u Hiermaniju. Heta paćvierdzili Handelsblatt niekalki pradstaŭnikoŭ urada.
U vypadku dysbałansu hetych kampanij, sistemna važnych dla Hiermanii, fiederalny ŭrad choča praduchilić masavaje paharšeńnie enierhazabieśpiačeńnia. Adznačajecca, što Gazprom Germania kiruje bujnymi hazavymi schoviščami. «Rasnafta Hiermanija», z druhoha boku — klučavy hulec na rynku bienzinu, dyzielnaha paliva i hazy jak apieratar naftapierapracoŭčaha zavoda.
Na niamieckim enierhietyčnym rynku abiedźvie kampanii ciapier niemahčyma zamianić.
Nahadajem, raniej stała viadoma pra pieratrusy ŭ ofisach «Hazprama» ŭ Niamieččynie. Adbyvajecca heta ŭsio na fonie hazavaha šantažu z boku Rasii: Pucin patrabuje ad jeŭrapiejcaŭ płacić za haz rasijskimi rublami.
Akramia Hiermanii, darečy, urad Vialikabrytanii taksama rychtujecca časova nacyjanalizavać kampaniju Gazprom Marketing & Trading Retail Ltd, jakaja zajmajecca roźničnym handlem hazam u Złučanym Karaleŭstvie. Heta abyjdziecca Vialikabrytanii prykładna ŭ 4 młrd funtaŭ sterlinhaŭ.
Čytajcie taksama:
U hiermanskija ofisy «Hazprama» pryjšli ź pieratrusami
Ciapier čytajuć
U Sule adznačyli Kupalle. Haściej było stolki, što na darohach utvarylisia zatory6
Kamientary