Niamieckaja raźviedka pierachapiła pieramovy rasijan u Bučy. Tam abmiarkoŭvałasia zabojstva ludziej
Fiederalnaja raźviedvalnaja słužba Hiermanii pierachapiła radyjopieramovy rasijskich vajskoŭcaŭ, u jakich abmiarkoŭvałasia zabojstva mirnych žycharoŭ u Bučy, piša Spiegel.
Pavodle infarmacyi vydańnia, zapisy śviedčać ab tym, što hetyja dziejańni ździajśnialisia rasijskimi vajskoŭcami i byli nie vypadkovymi, a źjaŭlalisia «častkaj vyraznaj stratehii» pa «zapałochvańni cyvilnaha nasielnictva i padaŭleńni supracivu».
U adnym z zapisaŭ, vierahodna, sałdat skazaŭ inšamu, što jany tolki što zastrelili čałavieka na rovary. U inšaj pierachoplenaj razmovie mužčyna skazaŭ: «Spačatku ty dapytvaješ sałdat, a potym stralaješ u ich».
Materyjał raźviedki taksama pakazvaje, što viadučuju rolu ŭ źvierstvach mahli hrać členy rasijskaha najomnaha padraździaleńnia pad nazvaj «Hrupa Vahniera». Viadoma, što hrupa ździajśniała anałahičnyja złačynstvy ŭ Siryi.
Vidavočcy paviedamlali, što akupacyjnyja siły ŭ Bučy pieršapačatkova składalisia z «maładych sałdat». Paśla taho, jak ich źmianili inšyja padraździaleńni, pa słovach vidavočcaŭ, napady na mirnych žycharoŭ pačaścilisia. Niekatoryja vidavočcy paviedamlali, što ŭ horadzie znachodzilisia čačenskija padraździaleńni.
Radyjopieramovy, pierachoplenyja niamieckaj raźviedkaj, stvarajuć ŭražańnie, što źvierstvy, učynienyja nad mirnymi žycharami ŭ Bučy, nie byli vypadkovymi dziejańniami asobnych sałdat, jakija vyjšli z-pad kantrolu. Chutčej, pa słovach krynic, znajomych z aŭdyjazapisam, vajskoŭcy kazali pra źvierstvy tak, jak byccam jany prosta abmiarkoŭvali svajo paŭsiadzionnaje žyćcio.
U raźviedcy Niamieččyny taksama nibyta vałodajuć inšymi zapisami pierachopaŭ, ź jakich vynikaje, što padziei, padobnyja na tyja, što zdarylisia ŭ Bučy, adbyvalisia i ŭ inšych miescach va Ukrainie, zachoplenych rasijskimi vojskami.
Čytajcie taksama:
Fota i videa z Bučy analizuje sudmiedekśpiertka. Voś što jana pabačyła na strašnych kadrach
Cieły sa znakami katavańniaŭ, trupy na vulicach, brackija mahiły. Rasijskija vojski pakinuli na Kijeŭščynie strašnyja ślady
Ina Kulej: Milinkievič pieramoh śmierć, ale šlach da poŭnaha adužańnia niablizki4
Kamientary