Sud Zavodskaha rajona Minska asudziŭ da troch hadoŭ «chimii» 29-hadovuju Lidziju Novik. Dziaŭčynu abvinavacili pa art. 342 Kryminalnaha kodeksa za ŭdzieł u samaj vialikaj akcyi pratestu ŭ historyi Biełarusi — Maršy za svabodu 16 žniŭnia 2020 hoda, paviedamlajuć pravaabaroncy.
Lidziju Novik zatrymali 3 studzienia hetaha hoda. Suprać jaje zaviali spravu pa č. 1 art. 342 Kryminalnaha kodeksa (udzieł u dziejańniach, jakija hruba parušajuć hramadski paradak). Lidziju identyfikavali pa fota z «Maršu za svabodu» ad 16 žniŭnia 2020 hoda.
Paśla zatrymańnia ź dziaŭčynaj zapisali «pakajannaje videa», jakoje apublikavali praŭładnyja telehram-kanały. Na videa Lidzija kaža, što vyjšła na mitynh «prosta pahladzieć». Jaje źmiaścili pad vartu ŭ SIZA, dzie da suda ŭtrymlivali try miesiacy.
U vyniku sudździa Zavodskaha rajona Minska Aleh Kalada asudziŭ palitźniavolenuju da troch hadoŭ «chimii». Jaje vyzvalili ŭ zale suda da nakiravańnia ŭ papraŭčuju ŭstanovu.
Ciapier čytajuć
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy82
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi44
Kamientary