Dyrektar «Azoŭstali» pra zavod i sakretnyja tuneli: «Rychtavalisia z 2014 hoda»
Piać bambaschoviščaŭ na terytoryi pradpryjemstva zdolnyja vytrymać pramoje papadańnie jadziernych bojezaradaŭ. Pra heta zajaviŭ hienieralny dyrektar Mietałurhičnaha kambinata «Azoŭstal» Envier Ckicišvili ŭ intervju BBC.
Jon adznačyŭ, što kiraŭnictva pačało zadumvacca pra bambaschoviščy jašče ŭ 2014 hodzie, kali Maryupal trapiŭ pad abstreł ciažkaj artyleryi.
«My pačali adnaŭlać bambaschoviščy, jakija zastalisia z časoŭ Savieckaha Sajuza. Ich było 36 štuk, i adnačasova ŭ ich mahli znachodzicca 12 006 čałaviek», — raspavioŭ jon, dadaŭšy, što na zavodzie pracavała 10 847 čałaviek.
«Zrazumieli, što my možam z horada paklikać ludziej, jakija pryjduć i buduć ratavacca», — raspavioŭ Ckicišvili.
«My adkryli archivy… ubačyli, što na kambinacie… było 5 vielmi mahutnych bambaschoviščaŭ, jakija vytrymlivali zhodna z normami savieckaha zakanadaŭstva… papadańnie adnaho pramoha jadziernaha ŭdaru. Jany mahli vytrymać i vyratavać ludziej», — raspavioŭ jon.
Hiendyrektar dadaŭ, što minimalnaja taŭščynia pamiž pavierchniaj ziamli i stollu padziemnych tunelaŭ składaje 8 mietraŭ. Pavodle jaho słoŭ, heta kamunikacyjnyja tuneli, jakija zjaŭlajucca pierachodami pamiž roznymi bunkierami, a sami bambaschoviščy znachodziacca hłybiej.
Pavodle jaho słovaŭ, supracoŭniki pradpryjemstva treniravalisia, jak ludzi buduć iści ŭ bambaschovišča, chto kudy i h.d.
Ckicišvili skazaŭ, što supracoŭniki zavoda napiaredadni ŭvarvańnia Rasii va Ukrainu stvaryli vielmi vialikija zapasy pitnoj vady i charčavańnia ŭ bunkierach, što dazvalaje doŭhi čas pražyvać u ich. Jon pierakanany, što heta dapamahło abaroncam Maryupala i cyvilnym utrymacca pad pramymi bambavańniami rasijskimi vojskami.
Akramia taho, jon skazaŭ, što ciapier u padziemnych bambaschoviščach da hetaha času znachodziacca kala 300 hramadzianskich asob, siarod ich 30-40 — dzieci. Akramia taho, bolšaja častka ludziej majuć ciažkija ranieńni, i im patrebna kvalifikavanaja miedycynskaja dapamoha.
-
Kijeŭ uviečary znoŭ byŭ pad atakami, źnikali śviatło i vada. Za dzień va Ukrainie zahinuli jak minimum 25 čałaviek
-
Kolkaść zahinułych u Pryłukach pad Čarnihavym vyrasła da 14
-
Były kiraŭnik Google: Rasija zdahaniaje Ukrainu ŭ vajskovych technałohijach, a resursaŭ u jaje našmat bolš. Hałoŭnym vyklikam budzie «Rasśviet»
Redki vypadak: pamiłavany biełaruski palitviazień pajšoŭ na vajnu suprać Ukrainy16
Redki vypadak: pamiłavany biełaruski palitviazień pajšoŭ na vajnu suprać Ukrainy
«Strelba kali i strelić, to naŭrad ci kulamiotnaj čarhoj». Maksim Znak acaniŭ realnaść pahroz biełaruskaj prapahandy pazbavić hramadzianstva palitemihrantaŭ1212
Kamientary