Ukrainskaha vajskoŭca z «Azoŭstali», jaki zdaŭsia ŭ pałon, zabili, chacia paabiacali zachavać jamu žyćcio
Adzin ź piaci ŭkrainskich vajskoŭcaŭ, jakija trapili ŭ pałon z «Azoŭstali», praz tydzień byŭ znojdzieny miortvym. Los astatnich nieviadomy, paviedamlajuć «Važnyja historyi».
Videa z vajskoŭcami, jakija «zdalisia», apublikavała pres-słužba tak zvanaj narodnaj milicyi «DNR» 20 krasavika. Hołas za kadram abiacaŭ vajskoŭcam «zachavańnie žyćcia i vykanańnie mižnarodnych zakonaŭ ab abychodžańni z vajennapałonnymi».
Praz tydzień maci Dana Zvonika, adnaho ź piaci sałdat, atrymała fatahrafiju miortvaha syna z charakternaj tatuiroŭkaj, jakaja paćviardžaje jaho asobu.
U intervju CNN jana vykazała ŭpeŭnienaść, što jaje syna zabili rasijskija vajskoŭcy: 1 maja jaho cieła było pieradadziena svajakam, i jany ŭbačyli vialikuju ranu na patylicy zahinułaha.
Žurnalisty «Važnych historyj» źviazalisia z žonkaj jašče adnaho vajskoŭca, jaki trapiŭ u pałon. 19 krasavika jon patelefanavaŭ i raskazaŭ joj, što ich paviazuć u balnicu Novaazoŭska. Adnak paźniej akazałasia, što vajskoŭcaŭ tudy nie pryvozili.
«Nam navat nie paviedamlajuć, dzie ich trymajuć. Ja źviartałasia va UBAZ DNR — mianie kulturna pasłali, skazali: «Vam tut što, biuro dobrych pasłuh?» — raspaviała žančyna. Z taho času nijakaj infarmacyi pra pałonnych niama.
- Abłoha Maryupala praciahvajecca amal dva miesiacy. Terytoryja zavoda «Azoŭstal» zastajecca apošnim miescam, padkantrolnym Ukrainie.
- 21 krasavika Uładzimir Pucin zahadaŭ nie šturmavać «Azoŭstal», zamiest hetaha zabłakavać zonu «tak, kab tam mucha nie pralacieła». Adnak nasupierak hetym słovam zavod praciahvajuć štodzionna abstrelvać i bambić.
- Za dzień da hetaha namieśnik kamandzira pałka «Azoŭ» Śviatasłaŭ Pałamar zapisaŭ videazvarot, u jakim skazaŭ, što vajskoŭcy nie hatovyja zdacca ŭ pałon abo pakidać u horadzie zahinułych i paranienych, ale zhodny syści, kali im budzie dadziena takaja mahčymaść.
Dzie pracujuć i jak vyhladajuć žonki top-čynoŭnikaŭ?16
Dzie pracujuć i jak vyhladajuć žonki top-čynoŭnikaŭ?
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1111
Kamientary