Prychilnikaŭ ułady niepakojać małyja zarobki, praciŭnikaŭ — niesvaboda i represii — daśledavańnie
Kolki prychilnikaŭ dziejnaj ułady siarod moładzi i što ich chvaluje? Inicyjatyva «Moładzievy błok» praviała daśledavańnie i padzialiłasia jaho vynikami.
Anłajn-apytańnie nakont palityčnych pohladaŭ i kaštoŭnaściaŭ pravodziłasia z 16 krasavika pa 5 maja. Ankieta rekłamavałasia praz sacyjalnyja sietki. U vyniku ŭ daśledavańni paŭdzielničaŭ 801 čałaviek. Heta moładź ad 18 da 35 hadoŭ, ź Minska i rehijonaŭ, z roznym uzroŭniem adukacyi.
Adnak aŭtary daśledavańnia adznačajuć, što tut mienš pradstaŭlenyja žychary sielskaj miascovaści i małaadukavanaja moładź. «Tamu danyja mohuć być pierakošanyja ŭ bok pratesnych nastrojaŭ. Paraŭnańnie z vynikami inšych daśledavańniaŭ dazvalaje mierkavać, što hety pierakos moža skłaści kala 15%», — pišuć aŭtary.
Tamu lepš usprymać hetaje apytańnie jak vyvučeńnie nastrojaŭ haradskoj adukavanaj moładzi.
Što pakazała daśledavańnie? Dziejnuju ŭładu padtrymlivajuć 17% apytanych. Davier da sudovych orhanaŭ, milicyi, deputataŭ, vojska, Pravasłaŭnaj carkvy — kala 10%.
Najbolš aktualnymi prablemami moładź ličyć parušeńnie pravoŭ čałavieka, niesumlennyja vybary, palityčny kryzis u krainie i palityčny pieraśled. Kožny z hetych punktaŭ adznačyła bolš za 70% usich apytanych. U piaciorku taho, što chvaluje, uvachodzić taksama niedastatkovaje raźvićcio biełaruskaj movy i kultury.
Adnak, kali hladzieć u razrezie prychilnikaŭ dziejnaj ułady, to dla ich najbolš vostra stajać pytańni maleńkaha zarobku i cen na pradukty. Hetyja punkty adznačyli 69% apytanych ź liku prychilnikaŭ dziejnaj ułady.
Na apošnich prezidenckich vybarach hałasavała 90% moładzi, na parłamienckich i miascovych — 31% i 24% adpaviedna. Kožny čaćviorty z apytanych chadziŭ na ŭsie hetyja vybary.
Cikava, što prychilniki ŭłady aktyŭna hałasavali (sami ci pa raznaradcy — pytańnie, jakoje zastajecca ŭ daśledavańni za dužkami) na parłamienckich i miascovych vybarach — tam byli 62% i 42% apytanych hetaj katehoryi. A voś praciŭniki ciapierašniaj ułady naviedvali takija vybary ŭ dva razy mienš.
Najbolš viadomyja lidary va ŭsich katehoryjach — Łukašenka, Cichanoŭskaja, Babaryka, Cichanoŭski. Takuju ž asobu, jak, naprykład, Kačanava, siarod prychilnikaŭ dziejnaj ułady viedaje mienš za pałovu (42%), tady jak siarod praciŭnikaŭ — 72%.
Pieravažnaja bolšaść apytanych (77%) hatovyja ŭdzielničać u palitycy. Naprykład, udzielničać u pikiecie, padpisvać pietycyi, bajkatavać tavary. Za takija formy ŭdziełu vykazałasia bolš za 50% moładzi.
Čytajcie taksama:
Sacyjołahi daviedalisia, što buduć rabić biełarusy, kali vajna raspaŭsiudzicca na našu krainu
Bolšaść biełarusaŭ spačuvajuć Ukrainie, a nie Rasii — sacdaśledavańnie
Vajna Rasii z Ukrainaj prymušaje biełarusaŭ vyznačacca z «vialikim hieapalityčnym vybaram». I pracesy — na karyść Zachadu
Ciapier čytajuć
Byłoha biełaruskaha palitviaźnia sudziać u Litvie za padrychtoŭku da zabojstvu rasijskaha apazicyjaniera. Pahražaje až da pažyćciovaha6
Kamientary