«Za*rali ŭnitaz, razłamali meblu». Prakopjeŭ pakazaŭ, jak śpiecsłužby kašmarać jaho majomaść u Minsku
Minskija orhany ŭnutranych spraŭ spravazdačylisia ab čarhovym razhromie kvatery palityka i sałdata Vadzima Prakopjeva. Usio heta supravadzili videa ŭ styli «da» i «paśla». Prakopjeŭ prakamientavaŭ.
U kvatery siłaviki pabili škło, zahadzili ŭnitaz, razłamali meblu, adarvali vyciažku…
«Kali źjazdžaŭ, ja pakinuŭ u svajoj kvatery, na vulicy Mielnikajte, kałonki na dystancyjnym kiravańni, pastaviŭ ich la voknaŭ i ŭklučaŭ «Pieramien» na ŭsiu hučnaść, — raskazvaje Prakopjeŭ. —
Kvateru hetuju ja chacieŭ pradać, ale na heta dziejańnie ŭ kadastry nakłali zabaronu, bo ja, pavodle ich viersii, «teraryst».
Aproč inšaha, praz znajomych pa suvoraŭskaj vučelni mnie pieradavali całkam kankretnyja «pryvitańni» ad HUBAZiKa.
U žniŭni 2021-ha kvateru raźnios KDB. Ja padumaŭ: nu ładna — adramantuju i choć zdam jaje.
Naniaŭ budaŭnikoŭ praź internet, kab adramantavać. I voś, jašče da kanca ramontu karnaja bryhada ŭvarvałasia i razhramiła kvateru ŭ druhi raz.
Rabočym zajavili, što ŭłaśnik — teraryst. Rabili ŭsio ŭ lepšych tradycyjach hetych «džentelmienaŭ» — nie zmyli za saboj u tualecie.
Ale kali my vierniem sabie ŭładu ŭ Minsku, vykanaŭcy i kamandziry hetych bajcoŭ mohuć nie chvalavacca — ja kamunalnymi pomstami nie zajmajusia, vašy kvatery zastanucca cełymi i buduć čakać haspadaroŭ», — skazaŭ Prakopjeŭ.
Da 2020-ha Prakopjeŭ byŭ viadomy ŭ Biełarusi jak upraŭlajučy šerahu biznesaŭ. Pieradvybarčyja padziei i nastupnyja represii zrabili z Prakopjeva palityka, a ciapier jon zajmajecca arhanizacyjaj uzbrojenaha farmiravańnia biełarusaŭ (połk «Pahonia») u šerahach ukrainskaha zamiežnaha lehijona.
Sam Prakopjeŭ pa adukacyi — vajskoviec. Kaściak złučeńnia składajuć biełaruskija aficery-adstaŭniki. Siabie jon ciapier nazyvaje sałdatam.
«Naša Niva» — bastyjon biełaruščyny
PADTRYMAĆ-
U Varšavie zatrymali biełarusa i palaka, jakija zdymali mierapryjemstvy biełaruskaj dyjaspary dla prapahandystaŭ
-
«U mianie tolki adna mara — viarnuć svajho Dzimku». Maci byłoha palitviaźnia Dźmitryja Hopty raskazvaje pra novuju biadu syna. I prosić zamaŭlać u jaje bolš tortaŭ, kab spravicca
-
Pamior eks-pasoł Valeryj Bryloŭ
Ciapier čytajuć
«U mianie tolki adna mara — viarnuć svajho Dzimku». Maci byłoha palitviaźnia Dźmitryja Hopty raskazvaje pra novuju biadu syna. I prosić zamaŭlać u jaje bolš tortaŭ, kab spravicca
Kamientary