Vypić čarku-druhuju i hetym dapamahčy ekałohii. Budziecie śmiajacca, ale heta całkam realna
Butelka hetaj harełki vydalaje z atmaśfiery stolki ž vuhlakisłaha hazu, jak siem vialikich drevaŭ. Popularmechanics.com raspaviadaje, jak vysokija technałohii dazvalajuć vyrabić harełku i dapamahčy vyratavać śviet.
Kłapociciesia pra ekałohiju? Tym časam chočacca vypić, kab źniać napružańnie? U Air Company jość idealnaje rašeńnie dla abiedźviuch prablem: harełka z pavietra.
Air Company stvaraje roznyja pradukty na asnovie vykidaŭ vuhlakisłaha hazu (CO2), jaki składaje 79 adsotkaŭ parnikovych hazaŭ.
Kampanija śćviardžaje, što kožnaja butelka ich harełki dapamahaje pierapracavać bolej CO2 z navakolnaha asiarodździa, čym siem vialikich drevaŭ.
Kampanija Air pieratvaraje vuhlarod z pavietra ŭ čysty etanoł. Hety mietad padobny na fotasintez u raślin, tolki bolš efiektyŭny.
Kanviersijny reaktar vyrablaje sumieś 10-adsotkavaha etanołu i vady. Zatym 10-adsotkavy etanoł u admysłovym 18-stupienčatym dystylatary pierahaniajecca ŭ kancentracyju 96,5%. Paśla dadatkova ačyščajecca i razvodzicca, kab atrymałasia harełka.
Hetaja harełka svabodnaja ad usich damieškaŭ, jakija ŭtvarajucca padčas zvyčajnaj fiermientacyi etanołu. U vyniku atrymlivajecca vysakajakasnaja i čystaja sarakahradusnaja harełka, jakuju nie soramna prynieści ŭ dobruju kampaniju.
Praŭda, i kaštuje jana niatanna — ad 80 dalaraŭ za butelku na sajcie vytvorcy.
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?11
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?1
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje99
Kamientary