Apublikavanaje videa, jak ludzi ŭ vajskovaj formie źbivajuć mihrantaŭ na biełaruska-polskaj miažy
Polski žurnalist Piotr Čaban apublikavaŭ videa, na jakim bačna, jak ludzi ŭ vajskovaj formie źbivajuć mihrantaŭ na biełaruska-polskaj hranicy.
Čaban śćviardžaje, što videa było źniataje niekalki dzion tamu, i što pierad tym, jak nielehałaŭ z Kuby pabili biełaruskija siłaviki, ich vyšturchnuli z terytoryi Polščy.
Paźniej Dziaržaŭny pamiežny kamitet paćvierdziŭ najaŭnaść vypadku.
Jak paviedamlaje DPK, mihranty, uzbrojenyja pałkami i piarcovym bałončykam, akazali supraciŭ biełaruskim siłavikam i byli zatrymanyja z užyvańniem fizičnaj siły.
«Pry hetym z polskaha boku dla aślapleńnia biełaruskich pravaachoŭnikaŭ, jakija prybyli dla spynieńnia sproby praryvu, užyvalisia strabaskopy. U isnujučych umovach, a taksama ŭ suviazi z tym, što z boku inšaziemcaŭ, jakija vyciaśnialisia z polskaha boku, byŭ akazany supraciŭ, u tym liku z vykarystańniem kamianioŭ, pałak i piarcovaha bałončyka, padčas zatrymańnia była ŭžytaja fizičnaja siła», — havorycca ŭ paviedamleńni DPK.
Zatrymanych dastavili ŭ adździeł pamiežnaj słužby dla razboru. Jany raspaviali, što polskija siłaviki pryvieźli ich da biełaruskaj miažy, «dali pałki i bałončyki ź piarcovym hazam, a taksama prainstruktavali pra sposaby ich prymianieńnia suprać biełaruskich vajskoŭcaŭ», paviedamlaje DPK.
Biełaruski bok ličyć, što takija dziejańni «prama pakazvajuć na naŭmysnaje stvareńnie pravakacyjnaj situacyi z metaj dyskredytacyi dziejańniaŭ biełaruskich vajskoŭcaŭ».
Ciapier čytajuć
Muzyka, malavańnie i tancy ŭ škołach i himnazijach — usio? Što viadoma pra skaračeńni nastaŭnikaŭ-estetystaŭ3
Muzyka, malavańnie i tancy ŭ škołach i himnazijach — usio? Što viadoma pra skaračeńni nastaŭnikaŭ-estetystaŭ
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1212
Kamientary