Znakamity biełaruski futbalist Alaksandr Hleb chutka stanie dziadulem
Nastaśsia Klimovič, padčarka Alaksandra Hleba i žonka futbalista Uładzisłava Klimoviča, raskazała ŭ sacsietkach, što čakaje dzicia.
«Ciažarnaść była zapłanavanaja. Tak składvałasia, što ŭsie našy siabry paviedamlali pra radasnaje papaŭnieńnie, i my vyrašyli taksama pasprabavać.
Ja sačyła za novymi simptomami — ale ich nie było. Potym čakała dzień Ch. Pieršy dzień zatrymki, druhi… Na treci dzień ja z zamirańniem serca pajechała kuplać doŭhačakany test. I… ja ŭbačyła hetyja važnyja dźvie pałoski!!! Jak ža ja była rada! Adrazu pabiehła paviedamlać Uładziu, jaki lažaŭ u pakoi i čakaŭ vyniku. Jak škada, što ŭ toj momant ja navat nie padumała źniać jaho reakcyju. Jon zadavolena ŭśmichaŭsia. My byli ščaślivyja».
Chaciełasia adrazu padzialicca hetaj navinoj z rodnymi! Ale nie pa telefonie ž. Na nastupny dzień my adpravilisia da mam i tat. Na hety raz ja ŭžo padrychtavałasia, uziała telefon i zachavała hetuju padzieju».
Muž Nasty taksama futbalist — Uładzisłaŭ Klimovič, z 2022 hoda hulaje za vienhierski kłub «Djirmot».
Nastaśsia (da zamužža Hubarevič) mahła zapomnicca pa konkursie «Mis Biełaruś — 2018». Jak piša «Kamsamołka», u kułuarach tady mierkavali, što ŭ dziaŭčyny vialikija šancy na pieramohu. Anastasija vyjšła ŭ finał, ale nie atrymała nivodnaha tytuła. A pieramahła ŭ konkursie ŭ tym hodzie Maryja Vasilevič.
U tym ža 2018 hodzie Nastaśsia pačała publikavać šmat sumiesnych fatahrafij z Uładzisłavam Klimovičam. U 2021 hodzie para ŭziała šlub.
Ciapier čytajuć
Taksistka z Tadžykistana naśmierć źbiła biełarusku ŭ Polščy — i spakojna pakinuła krainu24
Kamientary