Sajt av.by pačaŭ padtrymlivać biełaruskuju movu na iOS i Android-płatformach
Papularny aŭtamabilny sajt pačynaje padtrymku biełaruskaj movy. Pra heta paviedamiŭ u Fejsbuku CEO av.by Dźmitryj Hieranin, napisaŭšy, jak sam adznačyŭ, svoj «pieršy post na biełaruskaj movie». Havorka pry hetym idzie nie pra karystalnicki kantent, a pra interfejs resursu.
«U «Androidzie» heta pracuje pa zmoŭčańni, kali biełaruskaja mova ŭstalavanaja jak sistemnaja (užo praz tydzień, pakul uručnuju), a ŭ iOS (pakolki Apple nijak nie choča aficyjna dadavać padtrymku) my zrabili pieraklučalnik u naładach samoj prahramy. Zachodźcie, źmianiajcie na biełaruskuju movu — i napierad», — paviedamiŭ prahramist.
Ciapier ź interfiejsu na sajcie pierakładzienyja:
- usie punkty mieniu;
- usie elemienty kiravańnia;
- padkazki;
- kastamnyja elemienty dyzajnu (naprykład, na hałoŭnaj staroncy);
- forma padačy;
- unutranyja servisy («av.by finansy», acenka koštu aŭto, ček-listy pravierki aŭto, zachavanyja pošuki).
«iOS i Android ŭ sumie — heta 44% usich siesij na av.by. Veb taksama zahavoryć pa-biełarusku, ale paźniej, heta zrabić trychu składaniej, i tam kalehi rychtujuć inšy kruty reliz. Tamu ŭstaloŭvaj apku, uklučaj movu i kajfuj», — padsumavaŭ Hieranin.
-
«Nie zapatrabavana». Ź viadomaha kafe Mon Nom na Traktarnym prybrali biełaruskamoŭnaje mieniu
-
Niejrasietki ŭsio jašče spatykajucca na biełaruskim maŭleńni. Biełarusy chočuć padaryć štučnamu intelektu idealny hołas
-
Junak raskazaŭ, jak kanśpiektavaŭ ruskamoŭnyja lekcyi biełaruskaj łacinkaj. Heta vyklikała damino ŭspaminaŭ z BNTU, BDTU i BDU
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary