Viadomy iranski kinarežysior i hramadski aktyvist Džafar Panachi asudžany na šeść hadoŭ pazbaŭleńnia voli. Jaho pryznali vinavatym u padtrymcy antyŭradavych pratestaŭ u 2010 hodzie i ŭ «prapahandzie suprać sistemy». Pra heta paviedamlaje Iranskaja słužba Radyjo Svaboda.
Sud pastanaviŭ, što Panachi pavinien adbyć pryznačany jamu jašče 12 hadoŭ tamu turemny termin. Panachi staŭ trecim iranskim kinarežysioram, aryštavanym u hetym miesiacy.
Iranskija ŚMI paviedamlajuć, što Panachi zatrymali paśla taho, jak jon nakiravaŭsia ŭ turmu Evin, kab spytać pra adnaho z dvuch režysioraŭ, aryštavanych za padtrymku pratestaŭ.
Džafar Panachi — adzin z samych viadomych u śviecie iranskich kiniematahrafistaŭ. U 1995 hodzie jon atrymaŭ pryz «Załataja kamiera» Kanskaha kinafiestyvalu za film «Bieły šar», praz dva hady — pryz «Załaty leapard» kinafiestyvala ŭ Łakarna za film «Lusterka», u 2000 hodzie staŭ uładalnikam «Załatoha lva» Vieniecyjanskaha kinafiestyvala za film «Koła», a ŭ 2015-m byŭ uhanaravany premijaj «Załaty miadźviedź» u Bierlinie za film «Taksi».
U 2010 hodzie Panachi byŭ aryštavany za ŭdzieł u antyŭradavych akcyjach. Niekalki hadoŭ jon byŭ pad chatnim aryštam, ale praciahvaŭ zdymać kino.
Ciapier čytajuć
Navukoviec raspavioŭ pra hieałahičnyja zahadki Biełarusi: irtuć ź ziamli i kratar ad padzieńnia mietearyta, jaki źniščyŭ usio žyvoje ŭ radyusie tysiač kiłamietraŭ99
Kamientary