Z 2023 hoda IP pazbaŭlajuć ilhot pa vypłatach u FSAN. Kaho zakranuć źmieny i što jašče źmienicca dla pradprymalnikaŭ?
Apošnim časam ułady sistematečna pavialičvajuć padatkovuju nahruzku na IP. Hetym razam jany pryniali praŭki ŭ zakon «Ab asnovach dziaržaŭnaha sacyjalnaha strachavańnia». «Naša Niva» raźbirałasia, što źmienicca dla IP užo z nastupnaha hoda.
U Biełarusi isnuje peŭnaja katehoryja IP, jakaja karystajecca ilhotami pa vypłacie ŭznosaŭ u Fond sacyjalnaj abarony nasielnictva, ale ŭžo z 2023 hoda z hetaha śpisu vykraślać davoli istotnuju častku pradprymalnikaŭ.
Kolki treba płacić?
Pamier uznosaŭ u FSAN składaje 35% ad minimalnaj zarabotnaj płaty (29% piensijnaje strachavańnie, 6% — sacyjalnaje). Minimalnaja suma za 2021 hod skłała 1705 rubloŭ. Pamier adličeńniaŭ u FSAN raście razam ź minimalnaj zarabotnaj płataj. Tak, naprykład, z krasavika pa červień biahučaha hoda MZP składała 480,96 rubla. Z hetaha vynikaje, što miesiačny płaciož u FSAN ad IP musić składać minimum 168,33 rubla.
Vypłata ŭznosaŭ ažyćciaŭlajecca na praciahu hoda, ale nie paźniej za 1 sakavika nastupnaha hoda.
Ale ŭ Biełarusi isnuje peŭnaja katehoryja IP, jakaja karystajecca ilhotami pa vypłacie ŭznosaŭ u Fond sacyjalnaj abarony nasielnictva. Asoby, jakija traplajuć u hety śpis, majuć prava ŭnosić adličeńni na dobraachvotnaj asnovie.
Paśla pryniaćcia źmienaŭ u zakonie sa śpisu lhotnikaŭ źnikajuć pradprymalniki, jakija znachodziacca ŭ pracoŭnych, a taksama źviazanych ź imi adnosinach — to-bok, IP, jakija paralelna pracujuć na inšaj pracy (pryčym vieličynia staŭki nie mieła značeńnia).
Z 2023 hoda ŭsie takija IP buduć vymušany płacić za siabie ŭznosy ŭ FSAN, navat niahladziačy na toje, što ich najmalniki taksama buduć płacić za ich, jak za svaich supracoŭnikaŭ.
U śpisie lhotnikaŭ zastajucca:
— piensijaniery;
— studenty siarednich śpiecyjalnych navučalnych ustanoŭ i VNU, jakija atrymlivajuć adukacyju na dzionnaj formie navučańnia;
— atrymalniki dapamohi pa dohladzie dziciaci va ŭzroście da 3 hadoŭ.
Jakija inšyja źmieny čakajuć IP z 2023 hoda?
Z nastupnaha hoda ŭ Biełarusi admieniać sproščanuju sistemu padatkaabkładańnia. IP buduć vymušany pierajści na adziny padatak, staŭki jakoha byli pavialičany ŭ 2-4 razy, abo vykarystoŭvać padachodny padatak.
Ale dla mnohich katehoryj, praca pa sproščanaj sistemie padatkaabkładańnia stała niedasiažnaj jašče z 2022 hoda. Sproščanaj sistemaj z hetaha hoda ŭžo nie mohuć karystacca pradprymalniki, jakija akazvajuć pasłuhi.
Vyklučeńni da 2023 hoda zastalisia tolki dla IP, jakija zajmajucca turystyčnaj dziejnaściu, achovaj zdaroŭja, suchaputnym transpartam, hramadskim charčavańniem, kampjutarnym prahramavańniem.
Apublikavali abnoŭleny Padatkovy kodeks. Raskazvajem pra asnoŭnyja źmieny
«U nas u horadzie niama takoha popytu, kab płacić takija padatki». Ipešniki razvažajuć, jak pracavać u novych umovach
Ciapier čytajuć
«Ciapier mnie čužaja sama kancepcyja ŭžyć niešta, čaho ty nie viedaješ». Vialikaja hutarka ź Ivanam Šyłam pra biznes, zarablańnie z dapamohaj ŠI, žančyn i botaks18
Kamientary