Biełaruś i Rasija vyznačyli pieralik prajektaŭ u śfiery impartazamiaščeńnia na 1,3 młrd dalaraŭ
Biełaruś i Rasija vyznačyli pieralik sumiesnych prajektaŭ u śfiery impartazamiaščeńnia z sumarnym abjomam finansavańnia ŭ 1,3 miljarda dalaraŭ. Pra heta raspavioŭ pieršy namieśnik ministra ekanomiki Biełarusi Juryj Čabatar u efiry dziaržtelekanała «Biełaruś 1».
«U pryncypie, puł prajektaŭ vyznačany, ich bolš za dziesiać, 11-14. Siońnia hetaja praca nie skončyłasia: idzie dyjałoh i adbor prajektaŭ. Toj nabor, jaki my prapracavali, — prykładna na 1,3 miljarda dalaraŭ [inviestycyj]», — skazaŭ Čabatar.
Pa jaho słovach, hetyja prajekty važnyja dla mašynabudavańnia: u tym liku płanujecca stvareńnie ŭłasnaha lićcia i pašyreńnie vytvorčaści kampanientaŭ dla sielskahaspadarčaha mašynabudavańnia, prajekty ŭ śfiery vytvorčaści lesanarychtoŭčaj techniki.
Pa słovach Čabatara, na biełaruskim rynku možna zamiaścić impartu na 300-400 miljonaŭ dalaraŭ, stolki ž na rasijskim rynku, a ekspartny patencyjał budzie roŭny 700 miljonam dalaraŭ.
«Jana zabrała dziaciej i viarnułasia ŭ Minsk»: historyja biełarusa, jaki emihravaŭ u Barsiełonu ź siamjoj, a zastaŭsia adzin18
Kamientary