Kreml adkinuŭ prapanovu Kijeva ab 60‑dzionnym pieramirji.
Prezident Rasii Uładzimir Pucin hatovy dać ukazańnie nie nanosić udary pa Ukrainie ŭ dzień, kali tam projduć vybary, zajaviŭ pres-sakratar kiraŭnika dziaržavy Dźmitryj Piaskoŭ, piša RBK.
«Prezident užo havaryŭ pra heta, ale ŭ dadzienym vypadku ja mahu ad jaho imia z usioj adkaznaściu skazać, što kali tam sapraŭdy ŭ Kijevie chočuć pravieści vybary, to prezident Rasijskaj Fiederacyi, viarchoŭny hałoŭnakamandujučy, budzie hatovy dać ukazańnie nie nanosić udaraŭ pa Ukrainie ŭ dzień vybaraŭ. Mienavita ŭ dzień vybaraŭ. Heta vielmi važnaje ŭdakładnieńnie», — skazaŭ Piaskoŭ.
Učora Uładzimir Zialenski zajaviŭ, što hatovy pravieści vybary, kali Rasija zaklučyć 60‑dzionnaje pieramirje. Kreml adchiliŭ hetuju prapanovu.
Pavodle słoŭ Dźmitryja Piaskova, u Kijevie nasamreč nie chočuć pravodzić vybary, a dva miesiacy biez udaraŭ, jak jon ličyć, patrebnyja Ukrainie, kab «sabracca ź siłami, zalačyć rany i praciahnuć vajnu».
Pucin, pa słovach Piaskova, hatovy dać ukazańnie nie bić pa Ukrainie tolki ŭ dzień vybaraŭ.
Piaskoŭ taksama skazaŭ, što Maskva była hatovaja praciahnuć mirnyja pieramovy paśla vybaraŭ u Dziaržaŭnuju dumu. Adnak Ukraina, pavodle jaho słoŭ, sprabavała sarvać hetyja vybary.
Rasija nie pavieryć abiacańniam ukrainskaha prezidenta Uładzimira Zialenskaha: jon nie zasłužyŭ pieradyški ŭ bajavych dziejańniach, taksama zajaviŭ kiraŭnik MZS Siarhiej Łaŭroŭ na pres-kanfierencyi pa vynikach pieramoŭ ź livanskim kaleham Jusiefam Radžy.
«Nie dumaju, što jon zasłužyŭ pieradyšku. Nie dumaju, što my ŭ čarhovy raz budziem vieryć zapeŭnieńniam i abiacańniam. Prezident [Rasii Uładzimir Pucin] vielmi vyrazna pra heta skazaŭ. My praciahvajem dasiahać metaŭ śpiecyjalnaj vajennaj apieracyi. Jany ŭsim vydatna viadomyja. My ich nikoli nie źmianiali, u adroźnieńnie ad zihzahaŭ i chistańniaŭ Zialenskaha i jaho jeŭrapiejskich haspadaroŭ. Tamu nam niama za što ni pierad kim apraŭdvacca», — skazaŭ Łaŭroŭ.
Ciapier čytajuć
Hety małady biełarus stajaŭ la vytokaŭ ChatGPT. Voś što jon zrabiŭ1
Kamientary