Braty Protasy dapamahli Aviečkinu zakinuć čarhovuju šajbu ŭ NCHŁ i nablizicca da viečnaha rekordu Hrecki
Chłopcaŭ pieraviali ŭ pieršaje źviano.
Alaksiej i Illa Protasy, jakija ŭ hetym matčy hulali ŭ pieršaj trojcy, asistavali Alaksandru Aviečkinu pry druhim hole «Vašynhtona» na 17‑j chvilinie ŭ matčy suprać «Sietła».
Što praŭda, «Vašynhton» matč prajhraŭ 3:5.
Takim čynam Alaksandr Aviečkin za dva dziasiatki siezonaŭ u Nacyjanalnaj chakiejnaj lizie z ulikam Kubka Stenli zakinuŭ 1007 šajbaŭ (930 u rehularcy NCHŁ, Kubku Stenli — 87). U Hrecki — 1016 šajbaŭ. U nastupnyja niekalki tydniaŭ 41‑hadovy rasijanin, jaki dniami zajaviŭ, što pravdzić apošni siezon u NCHŁ, napeŭna, pabje viečny rekord Hrecki.
U krasaviku 2025 hoda Aviečkin pabiŭ rekord Uejna Hrecki ŭ rehularnych čempijanatach NCHŁ biez uliku Kubka Stenli. Tady jon zakinuŭ 89‑iu šajbu, tady jak u Hrecki było 894 šajbaŭ, što hulaŭ u NCHŁ z 1978 pa 1999 hady.
Zaznačym, što ŭ hetym siezonie ŭ NCHŁ hulaje piaciora biełarusaŭ: braty Protasy («Vašynhton»), Jahor Šaranhovič («Kałhary»), Arciom Leŭšunoŭ («Čykaha»), ŭčora pieršy matč zhulaŭ za «Nešvił» Vital Pinčuk, jaki pačynaŭ siezon u farm-kłubie.
A voś forvarda Illu Sałaŭjova, jakoha «Pitsburh» uklučyŭ u startavuju zajaŭku na siezon, kłub vystaviŭ na draft admovy, jaho nichto nie zabraŭ, i «Pitsburh» addaŭ jaho u farm-kłub «Uiłks-Bare/Skrentan». Za «Pitsburh» u hetym siezonie biełarus ni razu nie zhulaŭ.
Kamientary