Baćku padletka, paranienaha byłym kiraŭnikom HUBAZiKa, prymusili kazać, što stralba pa synie była «pravilnaj reakcyjaj»
Baćki chłopca, u jakoha ŭ ŽK «Kaskad» u Minsku stralaŭ były kiraŭnika HUBAZiK Andrej Paršyn, paprasili ŭ taho prabačeńnia i skazali, što jaho dziejańni byli adekvatnymi.
21 červienia ŭ minskim mikrarajonie «Kaskad» Andrej Paršyn, były kiraŭnik HUBAZiKa, ustupiŭ u kanflikt z hrupaj dziaciej i padletkaŭ kala svajho padjezda i streliŭ u nahu adnamu ź ich.
Na kanale «Minskaj praŭdy» siońnia źjaviłasia hutarka z Volhaj i Uładzimiram — baćkami «adnaho z chulihanaŭ, jakija dastavili dyskamfort žycharam «Kaskada» — tak pišuć žurnalisty ŭ apisańni pad videa. Tvaraŭ baćkoŭ nie pakazali, proźvišča nie nazvali. U čym sutnaść kanfliktu, taksama nie raspaviali. Stvarajecca ŭražańnie, što padletki chulihanili, a supracoŭnik milicyi (jaho proźvišča taksama nie nazyvajecca) zrabiŭ im zaŭvahu, a tyja adreahavali nieadekvatna. Potym heta razdźmuli «ekstremisckija resursy».
Pa kantekście bačna, što heta mienavita baćki paranienaha chłopca. Jaho imia pa baćku — jakraz Uładzimiravič.
«Prosta ŭciahnuli siamju, jakaja dačynieńnia ni da čaho nie maje», — skazaŭ Uładzimir.
Baćki chłopca kažuć, što całkam razumiejuć dziejańni milicyjaniera.
«Ja jaho całkam razumieju. Zrabiŭ zaŭvahu, adreahavali nieadekvatna dzieci. Jasna, što jon adreahavaŭ. I pravilna adreahavaŭ. Naša siamja jamu prynosić, užo pryniesła, prabačeńni. Ja liču, što moj syn sapraŭdy vinavaty ŭ hetaj situacyi».
Z padkazki žurnalistki baćka dadaje, što navinu vykarystali «ekstremisckija resursy», kab kinuć cień na sistemu. Jon ličyć, što hety kanflikt — siamiejnaja sprava, jakaja nie tyčycca hramadstva.
«Jany chočuć heta pradstavić suprać dziejnaj ułady. Nie treba hetaha rabić», — skazaŭ Uładzimir.
Jon raspavioŭ, što ich siamja ŭdzielničała ŭ praŭładnych aŭtaprabiehach. «Ja lublu svaju krainu, svaju radzimu. Moža, ja nie samy prystojny hramadzianin, ale ja radzimu nie pradavaŭ», — skazaŭ baćka, pra jakoha praŭładnyja kanały pisali, što jon raniej mieŭ sudzimaści.
«Prafiesijnaja defarmacyja». Kalehi Paršyna detalova razabrali stralbu pa padletku
Praŭładny kanał paćvierdziŭ: stralaŭ u «Kaskadzie» sapraŭdy Andrej Paršyn
Ciapier čytajuć
«Miesiačny płaciež paciahnie na 340 rubloŭ». Što budzie ŭ Biełarusi z mabilnym internetam?15
Kamientary
Dniŝie!