Jeździć na BMW Ch5, maje represavanaha prodka: chto ciapier kiruje HUBAZiKam
Paśla pieravodu Andreja Paršyna na słužbu ŭ departamient zabieśpiačeńnia apieratyŭna-vyšukovaj dziejnaści hałoŭnaja arhanizacyja pa terory biełarusaŭ — HUBAZiK MUS — zastałasia biez kiraŭnika. Paru dzion tamu pakazali novaha (časovaha) načalnika — pałkoŭnika Dźmitryja Kovača.
Kovač naradziŭsia ŭ 1979 hodzie ŭ pasiołku hutnikaŭ — u Jalizavie Asipovickaha rajona.
Pačynaŭ słužbu ŭ 2000-m z pasady patrulna-pastavoha ŭ Asipovickam RAUSie, potym pierajšoŭ u kryminalnuju milicyju apieratyŭnikam pa ekanomicy, u HUBAZiKu — z 2004-ha.
Z 2018 — namieśnik načalnika ŭpraŭleńnia.
«U HUBAZiKu apošnim časam jon kiravaŭ «ekanamičnym błokam», maje šmat suviaziaŭ siarod kamiersantaŭ. Ekanamičnyja i karupcyjnyja zatrymańni — heta ŭsio jahonaje», — kaža pra Kovača aficer Ministerstva ŭnutranych spraŭ.
Kovač maje reputacyju čałavieka, jaki sočyć za svaim harderobam, chodzić na rabotu ŭ dobrych kaściumach, a taksama jeździć na BMV Ch5.
Naturalna, Kovač prajaviŭ siabie ŭ chodzie padziej 2020 hoda i nastupnaha pieryjadu.
«Kovač kiravaŭ zachopam podpisaŭ u ofisie Babaryki, padčas čaho byli skradzienyja danyja biełarusaŭ, jakija pakidali podpis. U nastupnym heta stała kaštoŭnym materyjałam dla palavańnia na ludziej ź inšymi palityčnymi pohladami dziaržaŭnych orhanach i siłavych strukturach. Kovač — hieroj sistemy», — kaža były supracoŭnik MUS.
Varta patłumačyć, što podpisy tak i tak byli zdadzienyja ŭ Centravybarkam, ale ŭ ofisie Babaryki palityčnaja palicyja zachapiła aličbavanyja danyja, što spraściła dalejšuju pracu represiŭnych orhanaŭ.
Miarkujecca, što mienavita Kovač kiravaŭ zatrymańniem rabotnika «Biełtelekama» Alaksieja Byčkoŭskaha.
«Naša Niva» havaryła z čałaviekam, jaki siadzieŭ z Byčkoŭskim u adnoj kamiery paśla jaho zatrymańnia. Ën skazaŭ, što Byčkoŭskaha dastavili tudy źbitym da paŭśmierci, a sam Byčkoŭski dumaŭ, što nie dajedzie da SK.
Kovač taksama byŭ kamandziram adnoj z hrup HUBAZiKa, jakaja ŭ broniekamizelkach i z pałkami łaviła biełarusaŭ u finałach vialikich maršaŭ u vieraśni i kastryčniku 2020 hoda.
Cikava, što ŭ pałkoŭnika Kovača, jaki braŭ niepasredny ŭdzieł u arhanizacyi masavych palityčnych represij 2020—2022 hadoŭ, u svoj čas u samoha byŭ represavany prodak.
Brat jahonaha pradzieda, Krasnahira Davyd Siarhiejevič ź vioski Kryvičy Lidskaha rajona, byŭ represavany pa artykule 63-1 KK BSSR — «Zdrada radzimie». Jaho spravu vioŭ UMHB Hrodnienskaj vobłaści ŭ 1948 hodzie.
«Zdradaj radzimie» pryznavalisia dziejańni, učynienyja na škodu vajennaj mocy SSSR, jaho dziaržaŭnaj niezaležnaści i niedatykalnaści terytoryi, a taksama špijanaž, vydača vajennych ci dziaržaŭnych tajamnic, pierachod na bok voraha, ucioki ci pieralot za miažu. U realnaści ž u toj čas hetaje abvinavačvańnie vystaŭlali ludziam z samym šyrokim śpiektram viny — ad «niedaniasieńnia» da ŭdziełu ŭ antysavieckim padpolli.
Za jakoje kankretna dziejańnie abvinavacili Davyda Siarhiejeviča i što ź im stała ŭ vyniku, nieviadoma. Nieviadoma i ci viedaje sam Kovač, što jaho prodak prajšoŭ praz takuju pakutu.
«Naša Niva» — bastyjon biełaruščyny
PADTRYMAĆČytajcie taksama:
«Žyvu ŭ svabodnaj krainie»: padletak pasadziŭ na ziamlu eks-kiraŭnika HUBAZiKa. Toj u adkaz pačaŭ stralać PADRABIAZNAŚCI
Ciapier čytajuć
Advakat Dźmitryj Lepretar raskazaŭ pra biełyja plamy ŭ spravie ab terakcie ŭ mietro13
Kamientary