Chakiery, źviazanyja z režymam Łukašenki, udzielničajuć u atakach na polskija vajskovyja struktury
Asnoŭnaj metaj chakieraŭ z Rasii, Biełarusi i Kitaja źjaŭlajucca polskija vajskovyja struktury. Pra heta paviedamlaje Rzeczpospolita sa spasyłkaj na źviestki izrailskaj kampanii Check Point, jakaja śpiecyjalizujecca na supraćdziejańni internet-pahrozam.
Ministerstva nacyjanalnaj abarony i inšyja vajennyja viedamstvy Polščy stali asnoŭnaj mišeńniu kibierzłačyncaŭ. Za masavymi atakami stajać hrupy, źviazanyja z Maskvoj, ale taksama tyja, jakija padtrymlivajucca Biełaruśsiu i Kitajem, papiaredžvaje Check Point.
Pavodle arhanizacyi, u Polščy kožny tydzień nanosicca ŭ siarednim 1106 takich udaraŭ pa adnoj uradava-vajskovaj arhanizacyi. 53% vypadkaŭ napadaŭ byli skiravanyja na rassakrečvańnie kanfidencyjnych źviestak.
Check Point paviedamlaje, što bolšaść ličbavych napadaŭ paśpiachova błakujecca sistemami biaśpieki.
Kamientary