Sud Leninskaha rajona Mahilova asudziŭ miascovaha žychara, dalnabojščyka Siarhieja Cyhibu da troch hadoŭ pazbaŭleńnia voli va ŭmovach ahulnaha režymu i štrafu ŭ 250 bazavych vieličyń. Spravu razhladała sudździa Alena Litvina, paviedamlaje «Viasna».
Adzinaj pryčynaj dla takoha pakarańnia staŭ łajk u «Adnakłaśnikach». Pavodle materyjałaŭ spravy, u vieraśni 2021 hoda Siarhiej hartaŭ stužku navin u sacsietcy i ŭbačyŭ videa «Mient-palicaj, jaki atrymaje 2 pažyćciovyja terminy». Jon pastaviŭ «kłas», u vyniku čaho videa adlustravałasia ŭžo na asabistaj staroncy Cyhiba ŭ «Adnakłaśnikach».
Mužčynu abvinavacili ŭ abrazie prezidenta (č.1 art. 368), abrazie pradstaŭnika ŭłady (art. 369) i niezakonnych dziejańniach ŭ dačynieńni da infarmacyi ab pryvatnym žyćci i piersanalnych dadzienych (č. 3 art. 203-1 Kryminalnaha kodeksa).
Sudździa Alena Litvina paličyła vinu Siarhieja Cyhiba dakazanaj i pakarała jaho realnym pazbaŭleńniem voli. Varta adznačyć, što sam Cyhib nikoli nie braŭ udziełu ŭ akcyjach pratestu, pa palityčnych administracyjnych spravach nie zatrymlivaŭsia.
Ciapier čytajuć
Nasta Bazar pastupiła na prahramu Kalinoŭskaha i choča stać sacyjałahiniaj: «Vučoba paśla 40 hadoŭ — svojeasablivy eliksir maładości»71
Kamientary