Fiaduta ŭ apošnim słovie: Ja pavieryŭ u zmovu vajskoŭcaŭ, tamu što chacieŭ u jaje pavieryć
Fihuranty «spravy zmoŭcaŭ» vystupili ŭ sudzie z apošnimi słovami. Prysud budzie abvieščany ŭ paniadziełak.
Pieršym na sudzie apošniaje słova pramoviŭ Alaksandr Fiaduta, piša «Sputnik». Jon zajaviŭ, što, na jaho dumku, hetaja zmova była arhanizavanaja ŭ vyniku apieratyŭnaha ekśpierymientu.
«Dyk ci była zmova — nie padmacavanaja ni hrašyma, ni płanami i vajskovymi suviaziami?» — zadaŭ rytaryčnaje pytańnie Fiaduta.
Razam z tym jon adznačyŭ, što paŭdzielničaŭ u joj.
«Kali ja ŭ jaje vieryŭ, značyć, jana isnavała. (…) Ja pavieryŭ u zmovu vajskoŭcaŭ tamu, što chacieŭ u jaje pavieryć», — skazaŭ Fiaduta.
Vystup abvinavačanaha doŭžyŭsia ŭ sudzie bolš za paŭhadziny — jon začytvaŭ pramovu ź lista. Fiaduta taksama zajaviŭ, što ŭ jaho nie było ni karyślivych, ni nizkich metaŭ.
Lidar partyi BNF Ryhor Kastusioŭ, vystupajučy z apošnim słovam u sudzie, zajaviŭ, što jon nie davaŭ zhody na ŭdzieł u zmovie. Ź jaho słovaŭ, jon udzielničaŭ u zumach dla taho, kab znajści niejki vychad z sankcyjnaha cisku na krainu. Pa jaho słovach, jaho ŭdzieł byŭ z adzinaj metaj — prynieści karyść Biełarusi.
«Zaprašeńnie da zmovy z boku Ziankoviča — bałbatnia i fejk», — skazaŭ jon.
Pry hetym nahadaŭ sudu, što nie pryznaje vinu, a pry pryznačeńni pakarańnia paprasiŭ uličyć, što ŭ jaho surjoznaje zachvorvańnie. Akramia hetaha, jon zajaviŭ sudu, što maje namier napisać jašče adnu knihu — heta buduć miemuary. Tam jon napiša pra ŭsich udzielnikaŭ sudovaha pracesu. U kancy apošniaha słova ŭ sudzie jon pračytaŭ vierš, pryśviečany svajoj advakatcy Alenskaj.
Apošniaje słova ŭ sudzie Juryja Ziankoviča doŭžyłasia niekalki chvilin — jon pracytavaŭ niekalki fraz z knihi «Historyja schavanaj hałavy».
Volha Hałubovič padčas apošniaha słova płakała, kazała, što sama pryniała rašeńnie nie ŭdzielničać u pratesnych akcyjach:
«Hetyja 17 miesiacaŭ u SIZA žudasnyja, bieź dziaciej i mamy. I jašče pastavili na ŭlik jak ekstremistaŭ».
Pavodle jaje słovaŭ, heta 17 miesiacaŭ sucelnaha pakarańnia, niahledziačy na toje, što jana sama napisała pryznaŭčyja pakazańni.
«Try hady — heta prosta žorstka», — skazała jana, aceńvajučy termin, jaki paprasiŭ dla jaje prakuror.
Dzianis Kraŭčuk jašče raz zajaviŭ pra svajo raskajańnie ŭ zroblenym i paprasiŭ sud nie pryznačać jamu pakarańnie, źviazanaje z pazbaŭleńniem voli, a pry vyniasieńni prysudu ŭličyć jaho raskajańnie.
Prysud budzie abvieščany 5 vieraśnia ŭ 12:00.
Na pasiadžeńni ŭčora prakuror paprasiŭ asudzić Ziankoviča, Fiadutu i Kastusiova da 12 hadoŭ kałonii ŭzmocnienaha režymu, Hałubovič i Kraŭčuka — da troch hadoŭ kałonii.
Prakuror zaprasiŭ pa «spravie zmoŭcaŭ» ad 3 da 12 hadoŭ kałonii
«Mama prasiła tatu syści z palityki». Dačka Ryhora Kastusiova pra baćkavu niavolu dy tryvožnyja naviny z-za krataŭ
Šrajbman z kalehami prapanavali pakrokavy płan deeskałacyi adnosin Biełarusi i ES53
Kamientary