Na dyrektarku pryvatnaj škoły, dzie atrymała ranieńnie vučanica, zaviali kryminalnuju spravu
Hałoŭnym śledčym upraŭleńniem raspačataja kryminalnaja sprava ŭ dačynieńni da dyrektarki «Smart Skuł», dzie ranieńnie atrymała vučanica. Pravodziacca śledčyja dziejańni.
Pavodle źviestak śledstva, 15 vieraśnia ŭ Minsku ŭ pamiaškańni pryvatnaj ustanovy adukacyi «Siaredniaja škoła «Smart Skuł» pryčynienyja cialesnyja paškodžańni školnicy.
Śledčy kamitet zaznačaje, što 54-hadovy kiraŭnik i inšyja supracoŭniki ŭstanovy ŭsialak sprabavali schavać incydent, nie harantavali biaśpieku praviadzieńnia zaniatkaŭ i kantrol za pavodzinami vychavancaŭ.
Dziejańni dyrektarki śledstvam kvalifikavanyja pavodle č. 2 art. 424 KK (złoŭžyvańnie słužbovymi paŭnamoctvami). Z udziełam padazravanaj pravodziacca śledčyja dziejańni, dapytvajuć śviedak i vidavočcaŭ, paviedamlaje SK.
Siońnia hety vypadak prakamientavaŭ na naradzie ź dziaržsakratarom Rady biaśpieki Alaksandram Valfovičam Łukašenka. Pavodle jaho słoŭ, stralali z cacačnaha pistaleta humovymi šarykami, jakija trapili ŭ voka.
«Nie niejki tam traŭmatyčny, jak jany pišuć, pistalet. Heta byŭ dziciačy pistalet z humovymi tak zvanymi šarykami hetymi. Jon trapiŭ dziaŭčyncy ŭ voka. Jana była ŭ akularach. Raźbiŭ škło i paškodziŭ voka. Z hetaha zrabili nadzvyčajščynu. Ja daručyŭ razabracca», — skazaŭ Alaksandr Łukašenka.
Čytajcie taksama:
«Antydziaržaŭnaja kłaaka». Łukašenka zahadaŭ uvieści licenzavańnie ŭ adukacyi
Ciapier čytajuć
81‑hadovuju maci aŭtaryteta Skitova z «Babulinaj krynki» kinuli ŭ SIZA KDB, kab jon narešcie zahavaryŭ6
Kamientary