Praca kaścioła Śviatych Symona i Aleny (Čyrvony) časova prypynienaja. Takoje rašeńnie pryniataje na pazačarhovym pasiadžeńni kamisii pa nadzvyčajnych situacyjach pry administracyi Maskoŭskaha rajona, pišuć «Minsk-naviny».
Nahadajem, što minułaj nočču ŭ chramie adbyłosia ŭzharańnie. A čaćviortaj hadzinie spracavała pažarnaja sihnalizacyja. Ahoń paškodziŭ majomaść na płoščy ŭ 20 kv. m., paciarpiełych nie było.
— Ciapier razhladajucca i analizujucca ŭsie abstaviny incydentu, — paviedamiła kiraŭnica administracyi Maskoŭskaha rajona Taćciana Kaladka. — U suviazi z hetym kamisijaj pa nadzvyčajnych situacyjach pryniataje rašeńnie časova zabaranić ekspłuatacyju budynka.
Kaladka dadała, što ŭ kaściole nieabchodna adnavić pracu sistem pažaratušeńnia, a taksama elektryčnaha abstalavańnia i pravodki. Taksama treba abśledavać kanstrukcyi budynka.
— Da likvidacyi ŭsich niedachopaŭ i vyniasieńnia zaklučeńniaŭ kampietentnymi śpiecyjalistami ŭsie mierapryjemstvy ŭ Čyrvonym kaściole buduć prypynienyja, — reziumavała kiraŭnica administracyi Maskoŭskaha rajona.
Ciapier čytajuć
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im14
Kamientary