Supierhieroi havorać pa-biełarusku: «Supiersiamiejka» vyjšła na VOKA ŭ novym dublažy
Papularny multfilm «Supiersiamiejka» vyjšaŭ u novym pierakładzie na videaservisie VOKA. Śpiecyjalna dla płatformy byŭ padrychtavany aficyjny dublaž, u jakim piersanažy Pixar i Disney havorać na biełaruskaj movie, piša marketing.by.
«Supiersiamiejka» — heta historyja supierhieroja Boba Para (jon ža Mistar Vyklučny), jaki zaŭsiody imknuŭsia kahości ratavać, i heta z pośpiecham jamu ŭdavałasia, pakul paśla adnaho vypadku niezadavolenyja vyratavanyja nie zavalili jaho sudovymi iskami. Rasčaravany niaŭdziačnaściu, Bob adyšoŭ ad spraŭ, ažaniŭsia z Chelen (jana ž supierhierainia Ełastyka) i ŭładkavaŭsia ŭ zvyčajnuju strachavuju kampaniju. Prajšło 15 hadoŭ, u Boba i Chelen źjaviłasia troje dziaciej ź niezvyčajnymi zdolnaściami, ale jany pa-raniejšamu sprabujuć žyć jak usie. Tolki Mistar Vyklučny ŭsio adno vielmi sumuje pa pryhodach i ŭ rešcie rešt znachodzić ich: ciapier siamja pavinna ratavać jaho ad byłoha fanata.
«Supiersiamiejka» vyjšła ŭ 2004 hodzie i stała pieršym prajektam Pixar, u jakim usie piersanažy źjaŭlajucca ludźmi. Jany byli nastolki papularnyja, što stali pratatypami dla niekalkich kampjutarnych hulniaŭ. Taksama mulfilm byŭ adznačany mnohimi prestyžnymi ŭznaharodami, u tym liku atrymaŭ dźvie premii «Oskar» — za najlepšy mantaž huku i za najlepšy animacyjny film. U 2018 hodzie vyjšaŭ praciah historyi — «Supiersiamiejka 2».
Aficyjny biełaruski dublaž multfilma dla videaservisu VOKA pa zamovie płatformy zrobleny firmaj «Kinakonh».
Pahladzieć «Supiersiamiejku» mohuć usie karystalniki VOKA pa padpiscy «Usio ŭklučana» ŭ raździele «CINEVOKA — Kino pa-biełarusku», dzie taksama pradstaŭlena bolš za 50 inšych pieraahučanych filmaŭ — ad halivudskich błokbastaraŭ da anime. Akramia animacyjnaha i mastackaha kino, u raździele «CINEVOKA — Sieryjały pa-biełarusku» ŭ biełaruskim dublažy hledačam płatformy dastupnyja jašče i sieryjały.
Kamientary