Pašyrany pieralik asob, jakija mohuć patrapić u katehoryju «nie zaniatych u ekanomicy». U hrupu ryzyki ciapier trapili šmatdzietnyja baćki i baćki maleńkich dziaciej da 7 hadoŭ.
Urad pastanovaj ad 28 vieraśnia ŭnios papraŭki ŭ Pałažeńnie ab paradku adniasieńnia pracazdolnych hramadzian da nie zaniatych u ekanomicy, farmiravańnia i viadzieńnia bazy dadzienych pracazdolnych hramadzian, nie zaniatych u ekanomicy. Novyja praviły zapracujuć z 1 śniežnia 2022 hoda.
Ciapier «darmajedami» mohuć być pryznanyja šmatdzietnyja baćki i baćki maleńkich dziaciej da 7 hadoŭ. Raniej mieli «imunitet» ad trapleńnia ŭ bazu «hramadzianie, jakija źjaŭlajucca maci (mačachaj) abo baćkam (ajčymam), usynavicielem (udačarycielem), apiekunom (papiačycielem) i vychoŭvajuć dzicia va ŭzroście da 7 hadoŭ, dzicia-invalida va ŭzroście da 18 hadoŭ, traich i bolš niepaŭnaletnich dziaciej».
U novaj redakcyi Pałažeńnia zhadki pra baćkoŭ prybrali ŭsiudy, za vyklučeńniem baćkoŭ dziciaci-invalida va ŭzroście da 18 hadoŭ.
Taksama ŭ bazie «darmajedaŭ» ciapier mohuć apynucca hramadzianie, jakija pracujuć ź intelektualnaj ułasnaściu pavodle hramadzianska-pravavych damovaŭ, kali jany nie atrymlivajuć za heta adpaviednaje ŭznaharodžańnie. Raniej ahavorki pra dachodnaść nie było.
Adna z katehoryj hramadzian, naadvarot, vyklučanaja z «darmajedskaj» bazy — členy radaŭ dyrektaraŭ (nahladalnych radaŭ) haspadarčaha tavarystva buduć ličycca zaniatymi ŭ ekanomicy, kali jany atrymlivajuć uznaharodu ad kampanii.
Z 1 maja 2021 hoda pracazdolnyja hramadzianie, nie zaniatyja ŭ ekanomicy, apłačvajuć pavyšanymi taryfami haračaje vodazabieśpiačeńnie, aciapleńnie i hazazabieśpiačeńnie pry najaŭnaści indyvidualnych hazavych aciaplalnych pryboraŭ.
Tak zvanaja «baza darmajedaŭ» — śpis, u jaki zanosiać nie zaniatych u ekanomicy krainy hramadzian — abnaŭlajecca raz na try miesiacy.
Ciapier čytajuć
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski32
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi11
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi1
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2626
Kamientary