Zatrymali čynoŭnika, jaki zabaraniŭ viernikam malicca kala Čyrvonaha kaścioła
Jak stała viadoma «Našaj Nivie», pieršaha namieśnika staršyni Minharvykankama Dźmitryja Mikulonka zatrymali ŭ kancy minułaha tydnia.
Mierkavanaja pryčyna — chabarnictva. Padrabiaznaści zatrymańnia nieviadomyja.
5 listapada Dźmitryj Mikulonak pavinien byŭ pravieści žyvuju telefonnuju liniju. Jak stała viadoma «Našaj Nivie», parazmaŭlać ź Mikulonkam u toj dzień achvotnyja nie zmahli.
U jaho pryjomnaj paviedamili, što jon «znachodzicca ŭ adpačynku», chacia žyvaja linija ź im anansavałasia 3 i 4 listapada.
Viadoma, što jašče 2 listapada čynoŭnik piśmova zabaraniŭ Rymska-katalickaj parafii Śviatoha Simiaona i Śviatoj Aleny malicca ŭ Čyrvonym kaściole i ŭnutranym dvoryku.
Na pytańnie ab mahčymaści praviadzieńnia słužbaŭ u dvoryku kaścioła jon adkazaŭ, što «nabaženstvy ŭ śpiecyjalna nie pryznačanych dla hetaj mety miescach pad adkrytym niebam adnosiacca da masavych mierapryjemstvaŭ». A pakolki adlehłaść ad budynka Saŭmina mienš za 200 mietraŭ, to takija mierapryjemstvy nie dazvoleny.
«Naša Niva» pasprabavała źviazacca ź Dźmitryjem Mikulonkam, jaho telefon niedasiažny.
Dźmitryju Mikulonku 49 hadoŭ. Dzieviać hadoŭ čynoŭnik pracavaŭ u hienpadradnym upraŭleńni AAT «MAPID». Z 2004-ha pa 2006-ty byŭ hałoŭnym śpiecyjalistam Upraŭleńnia kapitalnaha budaŭnictva Minharvykankama, zatym — namieśnikam dyrektara pa budaŭnictvie Nacyjanalnaj biblijateki. Z 2011 hoda kiravaŭ UKB Minharvykankama.
U žniŭni 2018-ha byŭ pryznačany ministram architektury i budaŭnictva.
U lipieni 2020-ha jaho panizili da pasady pieršaha namieśnika staršyni Minharvykankama.
Čytajcie taksama:
Minčuka zatrymali pa «spravie Zielcera», a sudzić buduć za paklop i abrazu Łukašenki
Pa viartańni z ZŠA śpiecsłužby aryštoŭvali ŭłaśnika «A-100»
Pahrom u sietcy «Susiedzi»: KDK zatrymaŭ amal usio kiraŭnictva
Ciapier čytajuć
Dastaŭščyk ježy «Jandeks» u Maskvie zaśpiavaŭ na vulicy i staŭ zorkaj — im akazaŭsia chłopiec z Bresta2
Kamientary